जम्मू कश्मीरको अवस्था बुझ्न गएका राहुल गान्धीसहित सबै नेता श्रीनगर विमानस्थलबाट फिर्ता

भदौ ७, २०७६ शनिबार १८:३४:३३ | एजेन्सी

राहुल गान्धीको नेतृत्वमा जम्मू कश्मीरको अवस्था बुझ्न गएको विपक्षी दलको प्रतिनिधिमण्डललाई श्रीनगरबाट फिर्ता पठाइएको छ । विपक्षी नेताहरु श्रीनगरको विमानस्थलमा पुग्नेपछि हंगामा सुरु भएको थियो ।

श्रीनगर प्रशासनले उनीहरुलाई हवाई अड्डाबाट बाहिर जाने अनुमति दिएको थिएन । जसका कारण सबै विपक्षी नेता सुरक्षा बलको उपस्थितिमा भीआईपी कक्षमा बसेका थिए ।

राहुल गान्धीसँगै कांग्रेस नेता गुमाल नबी आजाद, राष्ट्रवादी कांग्रेस पार्टी (एनसीपी) नेता माजिद मेमन, कम्युनिष्ट पार्टी अफ् इण्डिया (सीपीआई) का नेता डी राजाका अलावा शरद यादवसहित कैयौँ नेताहरु जम्मू कश्मीरको अवस्था बुझ्न त्यसतर्फ जाँदै थिए ।

प्रशासनले यसअघि नै उनीहरुलाई आफ्नो यात्रा स्थगित गर्न अपिल गरिसकेको थियो ।

जम्मू कश्मीरको विशेष दर्जा खारेजीसँगै राज्यलाई दुई ओटा केन्द्रशासित राज्यमा अलग गर्ने निर्णयपछि श्रीनगरलगायत केही शहरहरुमा प्रतिबन्ध लगाइएको छ । यसैबीच जम्मू कश्मीर प्रशासनले विपक्षी नेताहरुलाई नआउन र शान्ति व्यवस्था बनाइराख्नको लागि मद्दत गर्न भनेको हो ।

विमानस्थलबाट फर्काइएपछि एनसीपी नेता मजीद मेमनले आफूहरु त्यहाँ कुनै गडबडी र सरकारको विरोध गर्न नभइ सरकारलाई सुझाव दिनको लागि त्यसतर्फ जान लागेको बताएका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्