ड्राइभर र भान्छेका छोराछोरीलाई पनि आफ्नै छोराछोरीले पढ्ने ठाउँमा पढाउने अरुण जेट्ली

भदौ ७, २०७६ शनिबार १९:११:९ | एजेन्सी

‘दान त्यही हो, जुन गुप्त हुन्छ र मद्दत त्यही हो, जुन आफ्नो दोस्रो हातलाई पनि थाहा नहोस्’, भारतीय पूर्व अर्थ मन्त्री तथा भारतीय जनता पार्टीका वरिष्ठ नेता अरुण जेट्ली पनि यस्तै थिए ।

जेट्ली आफ्ना निजी कर्मचारीहरुको जीवनस्तर उकास्न कैयौँ महत्वपूर्ण जिम्मेवारी निभाउने गर्दथे । आफ्ना कर्मचारीको रेखदेख आफ्नै परिवारका सदस्य जसरी नै रेखदेख गर्दथे । किनकि जेट्ली उनीहरुलाई पनि आफ्नै परिवारका हिस्सा मान्दथे ।

त्यस्तै कर्मचारीहरु पनि परिवारको सदस्य जसरी नै जेट्लीको हेरविचार गर्दथे । जेट्लीलाई समयमा नै औषधि दिन, खानपान लगायत सबैको ख्याल राख्दथे ।

जेटलीले एक अघोषित नीति बनाएर राखेका थिए, जसका अनुसार उनका कर्मचारीका छोराछोरी चाणक्यपुरीमा रहेको त्यही कार्मल कन्भेन्ट स्कूलमा पढ्दथे, जहाँ जेटलीका छोराछोरी पढ्दथे । यदी कर्मचारीका कुनै प्रतिभावान छोराछोरी विदेशमा पढ्न इच्छुक हुँदा उसलाई विदेश पढ्न पठाइन्थ्यो, जहाँ जेट्लीका छोराछोरी पढ्दथे ।

ड्राइभर जगन र सहायक पद्मसहित १० जना कर्मचारी जेट्ली परिवारसँग पछिल्लो दुई तीन दशकदेखि जोडिएका छन् । यीमध्ये तीन जनाका छोराछोरी अझै पनि विदेशमा पढिरहेका छन् ।

सहयोगीका एउटा छोरा डाक्टर, अर्काे छोरा इञ्जिनियर

जेट्ली परिवारको खानपिनको पुरै व्यवस्था हेर्ने जोगेन्द्रका दुई छोरीमध्ये एउटी छोरी लण्डनमा पढिरहेकी छिन् । संसदमा छायाँ जसरी जेट्लीसँग रहने सहयोगी गोपाल भण्डारीका एउटा छोरा डाक्टर छने भने अर्का छोरा इञ्जिनियर बनिसकेका छन् ।

यस बाहेक स्टाफमध्ये सबैभन्दा महत्वपूर्ण थिए, सुरेन्द्र । उनी अदालतमा जेट्लीको अभ्यासको समयमा उनकै साथमा हुन्थे । घरदेखि अफिसम्मको सबै जिम्मेवारी सुरेन्द्रको थियो ।

कर्मचारीका छोराछोरीले एमबीए या अन्य कुनै व्यवसायिक कोर्स गर्न चाहे जेट्ली शुल्कदेखि लिएर रोजगारीसम्मको प्रबन्ध गर्दथे । जेटलीले सन् २००५ मा

आफ्ना सहायक रहेका ओपी शर्माका छोरा चेतनको कानुन विषयको पढाइका क्रममा आफ्नो ६६६६ नम्बरको एसेन्ट कार उपहार दिएका थिए ।

छोराछोरीदेखि कर्मचारी सबैलाई चेकबाट नै पैसा

जेट्ली वित्तीय प्रबन्धनमा निकै सावधानी अपनाउँथे । एक समय उनी आफ्ना छोराछोरी (रोहन र सोनाली) लाई पकेट खर्च चेकबाट नै दिन्थे । यतिमात्र होइन, कर्मचारीहरुलाई तलब र मद्दत लगायत सबै चेकबाट नै भुक्तानी गर्दथे ।

उनले वकालत अभ्यासको समयमा नै मद्दत गर्न कल्याणकारी काेष बनाएका थिए । यो खर्चको प्रबन्ध एउटा ट्रस्टको माध्यमबाट गरिन्थ्यो । कर्मचारीका छोराछोरीले राम्रो अंक ल्याउँदा जेट्ली पत्नी संगीताले उनीहरुलाई उपहार दिएर प्रोत्साहित गर्दथिन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्