भारतीय पूर्व अर्थ मन्त्री अरुण जेट्लीको राजकीय सम्मानका साथ अन्त्येष्टि

भदौ ८, २०७६ आइतबार १५:३३:४७ | एजेन्सी

भारतीय पूर्व अर्थ मन्त्री तथा भारतीय जनता पार्टीका वरिष्ठ नेता अरुण जेट्लीको यमुना किनारको निगमबोध घाटमा राजकीय सम्मानका साथ अन्तिम संस्कार गरिएको छ । छाेरा राेहनले जेटलीकाे पार्थिव शरीरमा दागबत्ती दिए ।

जेट्लीको अन्तिम संस्कारमा भारतीय जनता पार्टीका अध्यक्ष तथा गृह मन्त्री अमित शाह, रक्षामन्त्री राजनाथ सिंह, योग गुरु बाबा रामदेव, भाजपा शासित राज्यका मुख्यमन्त्रीलगायत विभिन्न पार्टीका नेता तथा कार्यकर्ताहरुको उपस्थिति रहेको थियो ।

जेट्लीको शनिबार ६६ वर्षको उमेरमा दिल्लीको एम्स अस्पतालमा निधन भएको थियो । लामो समयदेखि श्वासप्रश्वासमा समस्या देखिएपछि उनलाई गएको अगष्ट ९ मा अस्पताल भर्ना गरिएको थियो ।

पेसाले जेटली वकिल थिए र प्रधानमन्त्री नरेन्द्र मोदीको पहिलो कार्यकालमा उनी अर्थ मन्त्री पनि भएका थिए । उनी मोदीको कार्यकालमा सबैभन्दा शक्तिशाली मन्त्री मानिन्थे । उनी मन्त्री हुँदा ऋणसम्बन्धी कानुन बन्यो र जीएसटी बिल पनि पास भएको थियो ।

जेटलीको निधनमा प्रधानमन्त्री मोदी, राष्ट्रपति रामनाथ कोविन्द, गृहमन्त्री अमित शाह, विभिन्न दलका नेता, कलाकारदेखि खेलाडीसम्मले शोक प्रकट गरेका छन् । प्रधानमन्त्री मोदी भ्रमणको सिलसिलामा बाहिर रहँदा उनले ट्विटरमार्फत शोक प्रकट गरेका थिए ।

जेटलीको परिवारमा उनकी पत्नी संगीता जेटली, छोरी सोनाली जेटली बख्शी र छोरा रोहन जेटली रहेका छन् ।

भारतले यसै महिना मात्रै दुई जना वरिष्ठ राजनीतिज्ञलाई गुमाएको छ । यसअघि अगस्ट ६ मा भारतकी पूर्व विदेशमन्त्री सुषमा स्वराजको निधन भएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्