इरानमा बुर्काको विरोध गर्ने एक युवतीलाई अदालतले २४ वर्षको सजाय सुनायो

भदौ १२, २०७६ बिहीबार १६:६:२५ | एजेन्सी

इरानको अदालतले बुर्का (हिजाब) को बाध्यता समाप्त गर्नका लागि अभियान चलाउने एक युवतीलाई २४ वर्षको जेल सजाय सुनाएको छ ।

बुर्काको विरोधमा ‘ह्वाइट वेनस्डे’ अभियान चलाउने २० वर्षीया युवती अफसरीलाई तेहरानको इस्लामिक रेभोल्युसनरी अदालतले सुनाएको निर्णयलाई लिएर विश्वभरि नै निन्दा गरिएको छ ।

सजाय सुनाउँदै न्यायाधीशले भने, ‘महिलाहरुको हिजाब उतारेर देशमा भ्रष्टाचार र वेश्यावृत्तिलाई बढावा दिएको छ । यसर्थ २४ मध्ये १५ वर्षको जेल सजाय तपाईँलाई यी दुई अपराधको लागि दिन गइरहेका छौँ ।’

अफसरी र उनकी आमा राहीला अहमदी इरानमा चलाइएको 'ह्वाइट वेनस्डे' अभियानका प्रमुख हुन् । अफसरीलाई यसअघि सन् २०१८ को अगष्टमा तेहरानबाट गिरफ्तार गरिएको थियो । त्यसबेला उनलाई एक वर्षको जेल सजाय सुनाइएको थियो तर विश्व समुदायको दबावमा उनलाई फेब्रुअरी महिनामा नै रिहा गरिएको थियो ।

के हो 'ह्वाइट वेनस्डे' अभियान ?

इरानमा सामाजिक सञ्जालमा हिजाबविद्ध अभियान चलिरहेको छ, जसको माध्यमबाट महिलाहरुलाई बिना हिजाबको तस्बिर शेयर गर्नका लागि अपिल गरिएको छ । जसको माध्यमबाट महिला सशक्तीकरणसँग जोडेर हेरिएको छ । यो अभियानको पहिलो दुई हप्तामा २०० ओटा भिडियो पोस्ट भए भने ५ लाख मानिसहरुले हेरे ।

त्यसपछि तेहरानको रेभोल्युसनरी अदालतले यस्तो गर्ने महिलालाई १ देखि १० वर्षसम्मको सजाय दिने आदेश दियो । त्यसयता सयौँ महिला जेल गैसकेका छन् । यो हप्तामात्रै १२ जना महिलाले सजाय पाइसकेका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्