यूईएफए अवार्ड : मेस्सी वर्षकै उत्कृष्ट फर्वार्ड, जोङ बने उत्कृष्ट मिडफिल्डर

 भदौ १२, २०७६ बिहिबार २३:९:५३ | एजेन्सी
unn.prixa.net

गत सिजन आयाक्सलाई सेमिफाइनलसम्मको सानदार यात्रा दिलाउने क्रममा नायक बनेका फ्रेन्की डि जोङ युरोपकै उत्कृष्ट मिडफिल्डर चयन भएका छन् ।

बिहीबार राति फ्रान्समा भएको एक समारोहबीच उनलाई यूईएफए उत्कृष्ट मिडफिल्डरको रुपमा अवार्ड दिइएको हो । गत सिजनको प्रदर्शनका आधारमा यो अवार्ड दिइएको छ । उनी यस सिजनदेखि आयाक्स छाडेर बार्सिलोना अनुबन्ध भएका छन् ।

युरोपको उत्कृष्ट फर्वार्डको रुपमा लियोनल मेस्सीलाई सम्मान गरिएको छ । योसँगै मेस्सीले यूईएफएमा उत्कृष्ट फर्वाडको अवार्ड पाँच पटक जितेका छन् ।

च्याम्पियन्स लिग विजेता टोली लिभरपुलका भर्जिल भान डाइक उत्कृष्ट डिफेन्डर र गोलरक्षक एलिसन बेकर उत्कृष्ट गोलरक्षक घोषित भए ।

अन्तिम अपडेट: चैत ५, २०८०

तपाईको प्रतिक्रिया