सर्लाहीमा फौजी किराकाे आतंक: किसान चिन्तित

भदौ १३, २०७६ शुक्रबार १८:४८:२८ | रामबाबु खड्का

सर्लाही - सर्लाहीमा फौजी किराले मकै बाली नष्ट पार्न थालेपछि किसान चिन्तित भएका छन् ।

एक सातादेखि अमेरिकी फौजी किराले बरहथवा नगरपालिकाको हजरिया, बागमती नगरपालिकाको राजघाट र हरिवन नगरपालिकाको नयाँरोड क्षेत्रमा किसानहरुले लगाएको सयौँ हेक्टरको मकै बाली नष्ट पार्न थालेको छ।

अत्याधिक मकै उत्पादन हुने सर्लाहीको हजरिया र राजघाटमा अहिलेसम्म फौजी किराले झण्डै १२ सय हेक्टरभन्दा बढी क्षेत्रफलमा लगाइएको हाइब्रिड जातको मकै खाएर नष्ट पारेकाे बरहथवा नगरपालिका-१ का वडाध्यक्ष रत्नबहादुर गिरीले जानकारी दिनुभयो । त्यस क्षेत्रमा दिनदिनै किराको प्रकोप बढ्न थालेपछि बिहीबार बरहथवा नगरपालिकाका जनप्रतिनिधि, कृषि ज्ञान केन्द्र सर्लाहीका प्रविधिक र बरहथवा नगरपालिका अन्तर्गत कृषि शाखाका टोलीले प्रभावित क्षेत्रको अनुगमन गरेका छन्।

फौजी किरा प्रभावित क्षेत्रमा किसानलाइ विषादि उपलब्ध गराएर छर्कन सुझाव दिइएको बरहथवा नगरपालिकाका कृषि शाखा प्रमुख अरुणकुमार महतोले जानकारी दिनुभयो।

फौजी किरा प्रभावित बरहथवा नगरपालिका, बागमती नगरपालिका र हरिवन नगरपालिकमा एक हजार पोकाको दरले किटनाशक औषधि पठाइसकेको कृषि ज्ञान केन्द्र मलंगवाका प्रमुख देवान्नद रायले जानकारी दिनुभयो । फौजी किराले रातको समयमा बालीलाइ बढी क्षति पुर्‍याउने भएकाले विषादी रातको समयमा छर्कन उहाँले किसानहरुलाइ सुझाव दिनुभयो।

रातकाे समयमा सक्रिय हुने फौजी किराले मकैको पातबाट खान सुरू गरेर पुरै मकैको बोट खाइसक्ने पीडित किसानहरुकाे भनाइ छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्