हरिनास बाबुछाेरा हत्या प्रकरण: साेधपूछका लागि मृतकका भाइ र श्रीमती प्रहरी नियन्त्रणमा

भदौ १७, २०७६ मंगलबार २०:२२:३३ | राधाकृष्ण डुम्रे

स्याङ्जा - स्याङ्जाको हरिनास गाँउपालिकामा भएकाे बाबुछाेरा हत्या प्रकरणमा अनुसन्धानका लागि मृतककी श्रीमती र भाइलाई प्रहरीले नियन्त्रणमा लिएकाे छ ।

प्रहरीले खड्काकी श्रीमती र मृतकका भाइ लगायतलाई सोधपुछका लागि प्रहरीले नियन्त्रणमा लिएको जिल्ला प्रहरी प्रमुख एसपी राजकुमार लम्सालले जानकारी दिनुभयो । घटना स्थलको पहिलो चरणको अनुसन्धान भइसकेकोले थप अनुसन्धानका लागि मृतकका परिवारलाई साथमै ल्याएको लम्सालले जानकारी दिनुभयो ।

स्याङ्जाको पहिलेकाे मग्याम चिसापानी गाविसका ३० वर्षीय चित्रबहादुर खड्का र उनका ४ बर्षीय छोरा रिजन खड्काको साेमबार राति हत्या गरिएको हो ।

बिहानपख अन्दाजी ४ बजेको समयमा मुखमा मास्क लगाएर आएको हतियारधारीले हत्या गरेको खड्काकी श्रीमती अनिता खड्काले प्रहरीसमक्ष बताउनु भएको छ । घटनापछि स्याङ्जाका प्रहरी प्रमुख डीएसपी नविनकृष्ण भण्डारीको नेतृत्वमा अनुसन्धान थालिएको छ । कसले के उद्देश्यले हत्या गर्‍यो भन्ने विषय हालसम्म खुल्न सकेको छैन ।

जिल्ला प्रहरी र गण्डकी प्रदेशबाट कुकुरसहित पुगेको प्रहरी टोलीले अनुसन्धान थालेको भण्डारीले जानकारी दिनुभयो । हत्या गरिएका बाबु छोराको शवलाई पोष्टमार्टमको लागि गण्डकी अस्पताल पोखरा लगिएको छ । डीएसपी भण्डारीका अनुसार पोष्टमार्टमपछि कस्तो हतियार प्रयोग भएको हो भन्ने अनुमान लगाउन सकिने छ ।

रिसिबीका कारण घटना भएको भन्ने प्रारम्भिक अनुसन्धानले देखाएको छ । स्याङ्जा प्रहरी प्रमुख लम्सालले भन्नुभयो, ‘गाउँमा बाक्लो बस्ती रहेकाले पनि हत्यारालाई हत्या गर्न सजिलो भएको देखिन्छ ।’

घरको एउटै कोठामा फरक फरक खाटमा सुतेका श्रीमान श्रीमतीमध्ये बाबु छोरा एउटा खाटमा र श्रीमती अर्को खाटमा सुतेका बेला घटना भएको देखिन्छ । हतियारले श्रीमान र छोरालाई हानिरहेको देखेर खड्काकी श्रीमतीले चिच्चाएपछि स्थानीयले प्रहरीलाई खबर गरेका थिए ।

झण्डै ६ वर्ष वैदेशिक रोजगारीमा रहेर फर्किएका खड्का कुटानी पिसानीको मिल व्यवसाय गर्दै आएका र गाउँकाे इमान्दार व्यक्ति भएको स्थानीय सोमनाथ लम्सालले बताउनु भयो । लम्सालका अनुसार खड्काले गाउँघरका छिमेकीसँग यसअघि झै-झगडा समेत गरेका थिएनन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्