भारतकाे कर्नाटक राज्यमा भाजपाका दलित सांसदलाई गाउँ पस्न दिइएन

असोज १, २०७६ बुधबार २०:४०:१३ | एजेन्सी

भारतकाे कर्नाटक राज्यको चित्रदुर्गा संसदीय सिटबाट भारतीय जनता पार्टी (भाजपा) का एक सांसदलाई दलित भएकै कारण उनीहरुकै निर्वाचन क्षेत्रको एउटा गाउँमा जान रोक लगाइएको छ ।

भारतीय सञ्चारमाध्यम इण्डियन एक्सप्रेसको रिपोर्टका अनुसार जनजाति समुदायका लागि आरक्षित चित्रदुर्गा सिटबाट सांसद बनेका ए. नारायणस्वामीलाई सोमबार तुकमुर जिल्लाको पावागडा क्षेत्रको गोलारहट्टी गाउँ जान नदिइएकाे हाे ।

यो गाउँमा काडू गोल्ला जाति (ओबीसी) का मानिसहरु रहन्छन्, उनीहरुले सांसदलाई अछुत भनेर गाउँमा पस्न दिएनन् । स्थानीयहरुले यो उनीहरुको परम्पराको विरुद्ध भएको भन्दै सांसदलाई गाउँ पस्न नदिएका हुन् । प्रशासनले घटनाको जाँच गर्न आदेश दिएको छ ।

— ANI (@ANI) September 17, 2019

स्थानीय टीभी च्यानलमा एउटा भिडियो प्रसारित गरिएको थियो, जसमा सांसद सामाजिक कार्यकर्ताहरुको समूहसँगै गोलारहट्टी गाउँतर्फ जाँदै थिए । सांसद गाउँका मानिसहरुसँग गाउँभित्र पस्न अनुमति लिने कोसिस गरिरहेको र केही स्थानीयहरु उनलाई गाउँ पस्न नदिइरहेको भिडियोमा देख्न सकिन्छ ।

नारायणस्वामीले गाउँका मानिसहरुलाई भने, ‘अरु सांसदहरु भोटका लागि आउँछन्, म विकासको लागि आएको हुँ । तपाईँको समुदायले चुनावमा समर्थन गरेको थियो । म परिवर्तन र विकास चाहन्छु, भोट चाहन्न ।’

एक स्थानीयले सांसदसँग भने, ‘भाइ, तपाईँको समुदायको कोही पनि गाउँमा आउँदैनन् ।’ गाउँलेहरुले दलितहरु गाउँमा पस्दा समुदाय अशुद्ध हुने अन्धविश्वास दिलाउँदै आएका छन्, त्यसपछि सांसद गाउँ गएनन् ।

नारायणस्वामीले भने, ‘म यो घटनाबाट निकै दुःखी छु । केही मानिसहरु म गाउँमा पसेको हेर्न चाहन्थे तर समुदायमा केही संघर्ष नहोस् भनेर म गाउँ गइनँ ।’

स्थानीय जिल्ला अधिकारीहरुले काडू गोल्ला समुदायसँग केही शर्त राखेका छन्, जसका कारण सांसद नारायणस्वामीलाई यो हप्ताको अन्त्यमा गोलारहट्टी गाउँ जाने अनुमति मिलेको छ ।

नारायणस्वामी कर्नाटकबाट चार पटक विधायक बनिसकेका छन् । उनी भाजपाको कर्नाटक पार्टीका मुख्य सचेतक पनि भैसकेका छन्, उनले कर्नाटक सरकारमा क्याबिनेट मन्त्रीको पद पनि सम्हालिसकेका छन् ।

काडू गोल्ला एक पिछडिएको समुदाय हो, उनीहरु चौपाया चराउने र भेडा पाल्ने काम गर्छन् । राज्यका तत्कालीन मुख्यमन्त्री सिद्धारमैयाको नेतृत्वमा कांग्रेस सरकारको समयमा उनीहरुलाई अनुसूचित जातिमा सामेल गराउने प्रतिज्ञा गरेको थिए तर त्यो पूरा हुन सकेको छैन ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्