छाेटाे समयमै नाभासले पीएसजी र समर्थककाे मन जिते

असोज ३, २०७६ शुक्रबार १४:२४:१३ | एजेन्सी

रियल मड्रिडबाट गएकाे सिजनको अन्त्यमा पीएसजी आएका केलर नाभासले पीएसजी र पीएसजीका समर्थकको मन छोटो समयमा नै जित्न सफल भएका छन् ।

पहिलो खेल स्ट्रास्बोर्गसँग खेलेका नाभासले दोस्रो खेल आफ्नो पूर्व क्लब रियल मड्रिडविरुद्ध खेलेका हुन् । रियल मड्रिविरुद्धको खेलपछि पीएसजीका समर्थकहरुले उनको तारिफ गरेका छन् ।

नाभासको दुई खेलको प्रस्तुतिले गर्दा उनी पीएसजीको पहिलो रोजाइको गोलकिपर बन्न सक्ने देखिएको छ । पीएसजीका गोलकिपरहरुमध्ये अल्फोन्स एरिओलाले पीएसजीमा रहेर चर्चा बटुल्न सके ।

अर्का भरपर्दो गोलकिपर बुफनले पीएसजीका समर्थकहरुको मन जित्न सफल भएका थिए । तर अर्का गोलकिपर केभिन ट्यापले भने पीएसजीमा आफूलाई स्थापित गर्न सकेनन् ।

प्रशिक्षक ट्युचेलले रियलविरुद्धको नाभासको खेलपछि पीएसजीले भरपर्दाे गोलकिपर अनुबन्धित गरेको प्रतिक्रिया दिएका थिए ।नाभासले पनि आफू पीएसजीमा आएर खुशी भएको बताएका थिए ।

‘मलाई पीडा भएको थिएन तर मैले गत सिजनमा बोकेको भारी बिसाउन चाहन्थे’, नाभासले भने । ‘यसअघि मैले हरेक खेलमा राम्रो प्रदर्शन गर्न खोजिरहेको हुन्थे । त्यो कुरा सबैलाई थाहा छ । तर मैले सोचेजस्तो मौका पाएको थिएन’, उनले भने ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्