भारतले विश्वलाई युद्ध होइन, बुद्ध दिएको छ : भारतीय प्रधानमन्त्री मोदी

असोज ११, २०७६ शनिबार ७:४:५६ | एजेन्सी

भारतीय प्रधानमन्त्री नरेन्द्र मोदीले भारतले विश्वलाई युद्ध नभएर बुद्ध दिएको बताएका छन् ।

शुक्रबार संयुक्त राष्ट्र संघको महासभालाई सम्बोधन गर्दै मोदीले भने, ‘हामी त्यो देशका नागरिका हौँ, जसले विश्वलाई युद्ध होइन, बुद्ध दिएको छ । पूरा विश्वलाई शान्तिको सन्देश दिएको छ ।’

भारतीय प्रधानमन्त्री नरेन्द्र मोदीले केवल १७ मिनेट मात्रै भाषण गरे पनि कैयौँ मुद्दा उठाएका छन् । उनले पाकिस्तानको नाम नलिइ घुमाउरो पारामा पाकिस्तानमाथि कडा टिप्पणी गरेका छन् ।

आतंकवाद पूरा विश्वका लागि खतरा भएको भन्दै उनले भने, ‘हाम्रो आवाजमा आतंकवादविरुद्ध विश्वलाई सतर्क गराउने गम्भीरता पनि छ र आक्रोश पनि ।’ भारतीय प्रधानमन्त्री नरेन्द्र मोदीले आतंकवाद कुनै एक देशको समस्या मात्रै नभएर, पूरा विश्वकै समस्या भएकाले सबै एकजुट भएर यसविरुद्ध लड्नुपर्ने बताए । संयुक्त राष्ट्र संघको शान्ति मिसनमा भारतले सबैभन्दा ठूलो बलिदानी दिएको पनि मोदीले बताए ।

सम्बन्धित समाचार

संयुक्त राष्ट्र संघमा पाकिस्तानी प्रधानमन्त्री : भारत ठूलो बजार भएकाले विश्व चुप छ

उनले भारत सरकारले अघि सारेका विभिन्न योजनाहरुको पनि चर्चा गरे । आयुष्मान भारत, सस्वच्छता अभियान, जनधन योजनालगायतका योजनाका बारेमा मोदीले चर्चा गरेका थिए ।

साथै उनले भारतीय नागरिकले लोकतान्त्रिक तरिकाले आफूलाई जनादेश दिएकाले आफू संयुक्त राष्ट्र संघको महासभामा भएको बताए । उनले भने, ‘यो वर्ष विश्वकै सबभन्द्या ठूलो चुनाव भयो । विश्वमा सबैभन्दा बढी नागरिकले भोट दिएर मलाई र मेरो सरकारलाई पहिलेभन्दा मजबुत जनादेश दिएका छन् । त्यही जनादेशका कारण म आज यूएनमा छु ।’

साथै मोदीले जलवायु परिवर्तनका लागि भारतको भूमिका निकै कम भएको पनि बताए । उनले भने, ‘यदि इतिहास र पर क्यापिटा इमिसन्सको नजरबाट हेर्ने हो भने ग्लोबल वार्मिङका लाभिा भारतको भूमिका एकदमै न्यून रहेको छ । तर यो समस्या समाधानका लागि कदम उठाउनेहरुमध्ये भारत एक अग्रणी देश हो ।’

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

कमल
Sept. 28, 2019, 9:47 a.m.
युद्ध होइन बुद्ध ! कति हाँस्नु। भूकम्पले तहसनहस भएको बेला नेपाल विरूद्ध नाकाबन्दी गर्नु यहाँको दृष्टिमा युद्ध होइन?यो त महायुद्ध हो, माेदी महाेदय।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
Dikpal gurung
Sept. 28, 2019, 8:04 a.m.
यो भनेको सरासर नेपाल माथी को दादागिरी हो हो । यस्तै हो नेपाल का नेता हरुनै भारत को गुलामी गर्दै हिन्छन अनि मोदि ले यत्ती को दादागिरी गर्नु सामान्य कुरो हो
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतले विश्वलाई युद्ध होइन, बुद्ध दिएको छ : भारतीय प्रधानमन्त्री मोदी

2 Comments

कमल

तपाईको प्रतिक्रिया

Dikpal gurung

तपाईको प्रतिक्रिया

तपाईको प्रतिक्रिया