थाइल्याण्ड : एक अर्कालाई बचाउने क्रममा ६ ओटा हात्ती झरनामा खसेर मरे

असोज १९, २०७६ आइतबार ९:३:४३ | एजेन्सी

थाइल्याण्डमा एकअर्कालाई बचाउने क्रममा ६ ओटा हात्तीको झरनाबाट खसेर मरेका छन् ।

थाइल्याण्डको खाओ याई नेशनल पार्कमा यो घटना घटेको हो । सबैभन्दा पहिले हात्तीको समूहको एउटा छावा झरनाबाट खसेको थियो र उसलाई बचाउने कोसिस गर्दा अरु पाँच ओटा हात्ती पनि खस्न पुगे ।

त्यस्तै दुई ओटा अन्य हात्ती नजिकैको चट्टानमा फसेका थिए, जसलाई प्रशासनले डोरीको मद्दतमा सफलतापूर्वका बाहिर निकालेको छ । जुन झरनामा यो घटना घट्यो, त्यसलाई स्थानीय भाषामा ‘नरकको झरना’ भनिन्छ र यसअघि पनि यहाँ यस्ता घटना हुँदै आएका छन् ।

सन् १९९२ मा आठ ओटा हात्तीको एक समूह यही स्थानमा समाप्त भएका थिए । त्यस समयमा पनि पूरै देशमा यो बारेमा चर्चा भएको थियो ।

थाइल्याण्डको राष्ट्रिय उद्दान, वन्यजीवन र वन संरक्षण विभागका अनुसार शनिबार स्थानीय समयअनुसार दिउँसो तीन बजे हात्तीको एउटा समूह झरना नजिकको सडक छेकेर जम्मा भएका थिए ।

त्यसको तीन घण्टापछि तीन वर्षको हात्तीको एउटा छावा झरनाको किनारमा मृत अवस्थामा भेटिएको थियो । अन्य पाँच ओटा हात्ती पनि मृत अवस्थामा त्यही नजिएको भेटिएको थियो ।

नेशनल पार्कका प्रमुखले घटनास्थलमा बचाइएको दुई ओटा हात्तीमाथि ध्यान राखिरहेको बीबीसीलाई बताएका छन् ।

वाइल्डलाइफ फ्रेण्ड्स फाउण्डेशन थाइल्याण्डका संस्थापक एडविन वीकले ती दुई ओटा हात्ती जीवित रहन मुश्किल रहेको बताएका छन् । किनकि हात्ती सुरक्षा र भोजनको लागि आफ्नो ठूलो समूहमा निर्भर रहन्छ ।

यो घटनापछि बचेका हात्तीलाई भावनात्मक चोट पुग्नसक्ने जनाइएको छ । हात्ती यस्तो जनावर हो, जसले दुःखको भाव जनाएको पनि देखिँदै आइएको छ ।
एडविनले भने, ‘बचेका हात्तीको अघि आफ्नै परिवारको सदस्य गुमाएको जस्तै स्थिति सिर्जित हुन्छ । तर तपाईँ यसमा केही गर्न सक्नुहुँदैन । दुर्भाग्यवश यो प्रकृतिको खेल हो ।’

थाइल्याण्डमा झण्डै सात हजार एसियाली हात्ती छन्, जसमध्ये आधाभन्दा कम वनमा खुलारूपमा रहँदै आएका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्