मनहरी गाउँपालिकामा एक वर्षमै साढे चार हजार मिटर पक्की सडक निर्माण

असोज २२, २०७६ बुधबार ८:२०:१४ | हरि हुमागाईं

मकवानपुर - मकवानपुरको मनहरी गाउँपालिकाले बितेको आर्थिक वर्ष २०७५–०७६ मा ४ हजार ६ सय ७४ मिटर सडक पक्की निर्माण गरेको छ ।

मनहरीका सबैजसो वडामा कुनै न कुनै सडक पक्की निर्माण गरिएको छ । कच्ची सडकका कारण स्थानीयले सास्ती खेप्नुपरेपछि सडक पक्की निर्माण गर्ने अभियान अनुसार साढे ४ हजार मिटरभन्दा बढी सडक पक्की निर्माण गरिएको हो ।

गाउँपालिका भित्रमा सडकको स्ल्याब ढलान ४ हजार १ सय ५० मिटर र कालोपत्रे गर्ने काम ५ सय २४ मिटर गरिएको मनहरी गाउँपालिकाका अध्यक्ष एकराज उप्रेतीले बताउनुभयो ।

पहिले ट्रयाक खोलिसकिएका सडकलाई सफा गर्ने र धेरै गाडी गुड्ने सडकलाई प्राथमिकतामा दिएर पक्की बनाउँदै लगिएको उहाँले बताउनुभयो । गाउँपालिकाले ३० हजार ८ सय मिटर सडकको नयाँ ट्रयाक खाेल्ने काम पनि गरेको छ । यसैगरी २१ हजार ५ सय ५० मिटर सडकमा ग्राभेल गरिएको अध्यक्ष उप्रेतीले बताउनुभयो ।

गाउँपालिका क्षेत्रमा ९ वटा बक्स कल्भर्ट, २२ वटा ह्युमपाइप कल्भर्ट, १ वटा कज वे, एउटा आरसीसी कल्भर्ट निर्माण गरिएको उहाँले बताउनुभयो ।

चालु आर्थिक वर्षमा पनि सडक निर्माणले प्राथमिकता पाएको छ । धेरैजसो बजेट सडक निर्माणका क्षेत्रमा खर्च हुने उहाँले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्