प्रतिनिधिसभाको दोस्रो बैठक पनि कांग्रेसले गर्‍याे अवरुद्ध

असार ३२, २०७५ सोमबार १६:१४:११ | उज्यालो सहकर्मी

काठमाडौं – प्रमुख प्रतिपक्ष दल नेपाली काँग्रेसले प्रतिनिधिसभाको दोस्रो बैठक पनि अवरुद्ध पारेको छ ।

वरिष्ठ चिकित्सक गोविन्द केसीको माग सम्बोधन हुने गरी राष्ट्रिय चिकित्सा विधेयक ल्याउन माग गर्दै प्रमुख प्रतिपक्षी दल नेपाली कांग्रेसले प्रतिनिधिसभाको सोमबारको दोस्रो बैठक पनि अवरुद्ध पारेको हो ।

सभामुख कृष्णबहादुर महराले सरकारको धारणा राख्न दिन आग्रह गरे पनि नेपाली कांग्रेसका सांसदहरुले नमानेपछि दोस्रो बैठक पनि अवरुद्ध भएको छ । बैठकमा सरकारका तर्फबाट चिकित्सा शिक्षा विधेयक र वरिष्ठ चिकित्सक केसीको आमरण अनसनबारे धारणा राख्न शिक्षा, विज्ञान तथा प्रविधिमन्त्री गिरिराजमणि पोखरेललाई समय दिने अवसर नै नदिई कांग्रेस सांसदले संसद बैठक अवरुद्ध पारेका थिए ।

बैठक सुरु हुने वित्तिकै कांग्रेसकी सचेतक पुष्पा भूसालले सरकारले जुम्ला गएर वरिष्ठ चिकित्सक केसीसँग वार्ता गर्नुपर्ने माग गर्नु भएको थियो । सोमबारको प्रतिनिधिसभा बैठकमा सरकारले राष्ट्रिय चिकित्सा शिक्षा विधेयक संसदमा पेश गर्ने कार्यसूची तय गरिएको थियो ।

अन्तिम अपडेट: चैत ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्