भारत-पाकिस्तानद्वारा एक अर्कामाथि युद्धविराम उल्लंघन गरेकाे आराेप, दुवैतर्फका सैनिक मारिएकाे पुष्टि

कात्तिक ३, २०७६ आइतबार १९:४४:३९ | एजेन्सी

समाचार संस्था एएनआई र अन्य सञ्चारमाध्यमका अनुसार भारतीय सेनाले पाकिस्तानको नियन्त्रणमा रहेको क्षेत्र (पीओके) को आतंकवादी शिविरमा आक्रमण गरेको जनाएका छन् । जसमा चार अथवा पाँच पाकिस्तानी सेनाको ज्यान गएको बताइएको छ ।

भारतीय सञ्चार संस्था एनडीटीभीले सूत्रको माध्यमद्वारा भनेको छ– कुपवाराकाे तंगधार क्षेत्रमा रहेको नीलम उपत्यकामा चार आतंकवादी लञ्च प्याड तोपको आक्रमणमा मारिएका हुन् । आक्रमणमा अन्य पाँच जना पाकिस्तानी सैनिक घाइते भएका छन् ।

यसबीच पाकिस्तानले भने भारतीय सेनाले जूरा, शाहकोट र नोमश्रीमा कथितरुपमा बिना कारण गोलाबारीपछि जवाफी आक्रमणमा नौ भारतीय सैनिक मारिएको बताएको छ ।

पाकिस्तानका आन्तरिक–सेवा जनसम्पर्क (आईएसपीआर) का महानिर्देशक मेजर जनरल आसिफ गफूरले ट्वीट गर्दै पाकिस्तानको जवाफी कारबाहीमा दुई भारतीय बंकर पनि नष्ट भएको बताएका छन् ।

— DG ISPR (@OfficialDGISPR) October 20, 2019

उनले पाकिस्तानी सैनिकको पनि ज्यान गएको स्वीकारेका छन् । यद्यपि एएनआईले भारतीय सेनाको सूत्रको माध्यमबाट ज्यान गुमाउने पाकिस्तानी सेनाको संख्या चारदेखि पाँच हुनसक्ने जनाएको छ ।

भारतीय सेनाले यो कारबाही आइतबार जम्मू–कश्मीरको कुपवाडा जिल्लाको तंगधार क्षेत्रमा पाकिस्तानीसेनाले संघर्ष विराम उल्लंघनको जवाफमा गरेको बताइएको छ । जसमा दुई जवानसहित एक सर्वसाधरणको ज्यान गएको थियो ।

जम्मू–कश्मीर प्रहरीले संघर्ष विराम उल्लंघन र त्यसमा ज्यान गएको पुष्टि गरेको छ ।

गएको अगष्ट ५ मा जम्मू–कश्मीरलाई विशेष राज्यको मान्यता दिने धारा ३७० खारेजपछि भारत–पाकिस्तानबीच तनाव बढ्दो छ । योसँगै भारत र पाकिस्तानले एकअर्कालाई युद्ध विराम उल्लंघन गरेको आरोप लगाउँदै आएका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्