५० लाख जनसंख्या भएको देश विश्वकप फुटबलको फाइनल खेल्छ, हामी हिन्दू–मुसलमान : हरभजन सिंह

असार ३२, २०७५ सोमबार २०:३७:२६ | एजेन्सी

आइतबार राति फ्रान्सले दोस्रो पटक विश्वकप फुटबलको उपाधि जित्यो । मस्कोमा भएको फाइनल खेलमा क्रोएसियालाई ४–२ ले हराउँदै फ्रान्सले २० वर्षपछि विश्वकपको उपाधि उचाल्यो ।

फाइनलमा हारे पनि क्रोएसियाको अहिले निकै चर्चा र प्रशंसा भैरहेको छ । ५० लाखभन्दा कम जनसंख्या भएको क्रोएसिया पहिलो पटक विश्वकपको फाइनल पुगेको थियो । क्रोएसियाले यस पटकको विश्वकपमा उत्कृष्ट खेल पस्किएको थियो । यसै सन्दर्भमा भारतीय क्रिकेटर हरभजन सिंहले भारतीय राजनीति प्रति व्यङ्ग्य गर्दै लेखेको ट्वीट यतिबेला निकै भाइरल भैरहेको छ ।

हरभजन सिंह लेख्छन्, ‘झण्डै ५० लाख जनसंख्या भएको क्रोएसिया विश्वकप फुटबलको फाइनल खेल्छ । अनि हामी एक अर्ब ३५ करोड जनसंख्या भएका मान्छे चाहिँ हिन्दू–मुसलमान खेल्छौँ । सोच बदल्नुहोस्, देश बदलिनेछ ।’

लगभग 50 लाख की आबादी वाला देश क्रोएशिया फ़ुटबॉल वर्ल्ड कप का फाइनल खेलेगा
और हम 135 करोड़ लोग हिंदू मुसलमान खेल रहे है।#soch bdlo desh bdlega
— Harbhajan Turbanator (@harbhajan_singh) 15 July 2018

हरभजन सिंहको यो ट्वीटलाई धेरैले रिट्वीट गरेका छन् । केही समय यता भारतको आन्तरिक एकता कमजोर हुँदै गएको छ । भारतको हरेक कुनामा साम्प्रदायिक हिंसा भड्किरहेको समाचार सार्वजनिक भैरहेका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्