जुवा खेलिरहेका पच्चीस जना झण्डै तीन करोड रुपैयाँसहित पक्राउ

 कात्तिक १०, २०७६ आइतबार ८:४७:३८ | उज्यालो सहकर्मी
unn.prixa.net

काठमाण्डौ - काठमाण्डौको महाराजगञ्जबाट जुवा खेलिरहेका २५ जना झण्डै ३ करोड रुपैयाँसहित पक्राउ परेका छन् ।

शनिबार राति पिपलमार्गमा रहेको विक्रम गौतमको दुई तले घरको भुइँ तल्लामा खेलिरहेका २५ जनालाई दुई करोड ७२ लाख रुपैयाँ नगद, ३ लाख रुपैयाँको चेक, ३२ ओटा कौडा र ४ बुक ताससहित पक्राउ गरिएको प्रहरीले जनाएको छ ।

उनीहरु सबैजनालाई अहिले प्रहरी वृत्त महाराजगन्जमा राखिएको छ र यसबारेमा प्रहरीले अनुसन्धान थालेको जनाएको छ । 

पक्राउ परेका जुवाडेहरुमा बलराम सापकोटा, सोभित सिलवाल, प्रदीप बोगटी, रामकृष्ण केसी, इन्दु श्रेष्ठ, रञ्जन राजवंशी, सीताराम खड्का, रोशन तामाङ, राम तामाङ, कृष्ण भण्डारी, सुमन गुरुङ, सुमन अग्रवाल, सोदेल कार्की, पवन अग्रवाल, पवित्रकुमार कार्की, बलराम सापकोटा, मुक्ति लामा, भक्त तामाङ, शम्भु बुढाथोकी, प्रेम थापामगर, अशोक श्रेष्ठ रहेका छन् । यसैगरी हलामप्रसाद पराजुली, बुद्ध लामा, थम्कु शेर्पा र नवाङ लामा रहेका छन् । उनीहरुलाई कानुनअनुसार कारबाही गरिने बताइएको छ ।

यस्तै कास्कीमा जुवा खेलिरहेका ९ जना पक्राउ परेका छन् । उनीहरुलाई पोखरा महानगरपालिकाबाट शनिबार राति १० लाख ५८ हजार ५ सय १० रुपैयाँसहित पक्राउ गरिएको प्रहरीले जनाएको छ ।

अन्तिम अपडेट: चैत १०, २०८०

तपाईको प्रतिक्रिया