लोक सेवा क्षयीकरण हुनबाट जोगाएका छौँ : अध्यक्ष मैनाली

कात्तिक १५, २०७६ शुक्रबार १४:३४:३० | नेत्र शाही

जुम्ला – लोक सेवा आयोगका अध्यक्ष उमेशप्रसाद मैनालीले लोक सेवा क्षयीकरण हुनबाट जोगाइएको बताउनुभएको छ ।

लोक सेवा आयोगको कार्यालय जुम्लाको नवनिर्मित भवन उद्घाटनका लागि जुम्ला आइपुग्नु भएका मैनालीले भन्नुभयो, ‘सम्पूर्ण संस्थाहरु क्षयीकरणमा गएको भन्ने गुनासो आइरहेको सम्बन्धमा लोक सेवा जोगाउने काम भएको छ ।’

उहाँले स्वच्छ संस्थामा धमिला छिर्दा नराम्रो हुने भन्दै यसमा आयोग सचेत रहेको प्रस्ट पार्नुभयो । अध्यक्ष मैनालीले अदालत बाहेकका कुनै प्रकारका हस्तक्षेप लोक सेवा आयोगका लागि सह्य नहुने बताउनुभयो । जुम्लाका कर्मचारीलाई निर्देशन दिँदै उहाँले आफ्नो पेसासहित सिर्जनात्मक काममा लाग्नसमेत अनुरोध गर्नुभयो ।

अध्यक्ष मैनालीले संविधानले लोक सेवा समेटेको भन्दै प्रादेशिक स्तरमा संवैधानिक आयोग हुनुपर्ने बताउनुभयो । त्यसैगरी उहाँले आफू पदमा आएपछि हुम्ला र डोल्पाको परीक्षाको खर्च महँगो भएकाले जिल्लामै परीक्षासमेत सुरु गरिएको जानकारी दिनुभयो ।

मैनालीले लोक सेवा आयोग योग्यता, निष्पक्षता र स्वतन्त्रताको आदर्श संस्था भएको बताउनुभयो । संस्थाको छवि बचाउन आयोग कटिबद्ध रहेको उहाँले दाबी गर्नुभयो ।

विगत केही वर्षको नतिजा हेर्दा सानो तहदेखि सहसचिव तहसम्म जुम्लाको जनशक्ति पुगेको भन्दै खुशी व्यक्त गर्नुभयो । लोक सेवा आयोगका सचिव आनन्दराज ढकालले लोक सेवाको नयाँ भवनले कार्यसम्पादनमा सहज हुने धारणा राख्नुभयो ।

झण्डै डेढ करोडको लगानीमा भवन निर्माण गरिएको हो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्