संघीयता र कानुन कार्यान्वयनको प्रक्रिया अगाडि बढ्यो : गृह मन्त्री थापा

कात्तिक १९, २०७६ मंगलबार १३:४८:६ | उज्यालो सहकर्मी

रुपन्देही – गृह मन्त्री रामब्हादुर थापाले संघीयता र कानुन कार्यान्वयनको प्रक्रिया चुनौतीपूर्ण भए पनि ठोस रुपमा अगाडि बढिरहेको बताउनु भएको छ ।

संघीयता र विद्यमान कानुनको कार्यान्वयन गर्न सरकार प्रतिबद्ध रहेको उहाँले बताउनुभयो । गृह मन्त्रालय र प्रदेश पाँचको आन्तरिक मामिला तथा कानुन मन्त्रालयले बुटवलमा आयोजना गरेको प्रदेशस्तरीय सुरक्षा गोष्ठीको मंगलबार उद्घाटन गर्दै मन्त्री थापाले देशलाई अस्थिरतातर्फ धकेल्ने प्रयास भए पनि त्यसलाई सरकारले असफल पारेको दाबी गर्नुभयो । उहाँले शान्ति सुरक्षाको स्थिति पहिलेभन्दा धेरै सुधार भएको भन्दै अझै सुदृढ हुँदै जाने बताउनुभयो ।

प्रदेश प्रहरी गठनको प्रक्रिया धेरै अगाडि बढेको बताउदै गृह मन्त्री थापाले प्रदेश प्रहरीको गठन छिट्टै हुने उल्लेख गर्नुभयो । उहाँले शान्ति सुरक्षा सुदृढ हुँदै जाँदा दोहोरो अंकको आर्थिक वृद्धिदर हासिल गर्ने सरकारको लक्ष्यलाई समेत टेवा पुग्ने बताउनुभयो ।

सुरक्षा गोष्ठीमा मुख्यमन्त्री शंकर पोखरेल, प्रदेशका सुरक्षा निकायका प्रमुखहरु तथा प्रदेशअन्तर्गतका १२ जिल्लाका प्रमुख जिल्ला अधिकारीहरु सहभागी छन् ।

अन्तिम अपडेट: फागुन ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्