जिल्ला अस्पताल डाक्टरविहीन

कात्तिक २१, २०७६ बिहीबार ८:५०:३५ | सुवास दर्नाल

सोलुखुम्बु – जिल्ला अस्पताल फाप्लु डाक्टरविहीन बनेको छ । समायोजनका करण डाक्टरहरु सरुवा भएसँगै अस्पताल डाक्टरविहिन बनेको हो । अस्पतालमा कार्यरत डाक्टर रमिन महर्जनले सोमबार जिल्ला छोडेपछि अस्पताल डाक्टरविहीन भएको हो । अन्य डाक्टरहरुले यस अघि जिल्ला छोडिसकेका छन् ।

जिल्ला अस्पताल अहिले करारका स्वास्थ्य सहायकले सञ्चालन गरिरहेका छन् । सामान्य बिरामी हुँदासमेत जिल्ला बाहिर जानुपर्ने सोलुखुम्बुवासीको बाध्यता बनेको छ । डाक्टर नभए पछि जिल्ला अस्पतालमा बिरामी आउनै छोडेका छन् । पहिले दैनिक ६०–७० जनाको हाराहारीमा बिरामी आउने आस्पतालमा सेवाग्राही आउनै छाडेको अस्पतालले जनाएको छ ।

स्वास्थ्य चौकी र जिल्ला अस्पतालमा उपलब्ध सेवामा कुनै फरक नपाएपछि यहाँका नागरिकले सास्ती खेप्नुपरेको छ । यस विषयमा सर्वसाधरणदेखि विभिन्न सञ्चार माध्यममा समाचार प्रशारण प्रकाशन भएपछि जिल्ला प्रशासन कार्यालय सोलुखुम्बुले समेत चासो व्यक्त गरेको छ । चिकित्सको व्यवस्था गरिदिन प्रदेश नम्बर १ को मख्यमन्त्री तथा मन्त्रिपरिषदको कार्यालयमा पत्र पठाइएको प्रमुख जिल्ला अधिकारी बेदनिधि खनालले जानकारी दिनुभयो ।

पत्रमा मानसिक रोगीलाई पनि जिल्लामा नै उपचारको व्यवस्था मिलाउन आवश्यक व्यवस्था मिलाइदिन अनुरोध गरिएको छ । तर पत्रको जवाफ भने आएको छैन ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्