जनकपुरमा सडक डिभिजन कार्यालयले भत्कायाे वडा कार्यालय

कात्तिक २२, २०७६ शुक्रबार २०:१४:९ | उज्यालो सहकर्मी

धनुषा – जनकपुरधाम उपमहानगरपालिका-२१ को वडा कार्यालयमाथि डोजर चलाइएकाे छ । सडकमै रहेको वडा कार्यालय सडक डिभिजन कार्यालय जनकपुरले शुक्रबार प्रहरी प्रशासन तथा स्थानीयको सहयोगमा भत्काएको हो ।

सडकमा रहेको वडा कार्यालय भत्काउन स्थानीयवासीले पटक पटक आन्दोलन गर्दै आएका थिए । वडा कार्यालय पूर्णरुपले भत्काइएको स्थानीय सम्भु झाले जानकारी दिनुभयो ।

निर्माणाधीन जनकपुर लोहारपट्टी सडकखण्डमै पर्ने वडा कार्यालय बचाउन झण्डै डेढ वर्षअघि वडाध्यक्ष रामेश्वर महासेठको संलग्नतामा सडकको दक्षिणपट्टि रहेको राजर्षि जनक माध्यमिक विद्यालयको घर तथा पर्खाल भत्काइएको थियो । त्यसै बेलादेखि त्यहाँ विवाद चल्दै आएको थियो । विद्यालयको कक्षाकोठा र पर्खाल भत्काएपछि विद्यार्थीले सडकमै समेत पढेर विरोध गरेका थिए ।

जनप्रतिनिधिले भेदभावपूर्ण तरिकाले विद्यालय भत्काएको भन्दै स्थानीय बासिन्दालयले सडकमा रहेको वडा कार्यालयसमेत भत्काउन माग गर्दै विभिन्न चरणमा आन्दोलन गरेका थिए । त्यही क्रममा सडक डिभिजन कार्यालयले बाध्य भएर वडा कार्यालय भत्काएको जनाएको छ ।

वडा कार्यालय भत्काउने क्रममा वडाध्यक्ष पक्ष र स्थानीयवासीबीच केहीबेर तनाव पनि उत्पन्न भएको जनाएको छ ।

अन्तिम अपडेट: फागुन १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्