फागुनदेखि नेपाल एअरलाइन्सले चीन र जापानको नारितामा उडान गर्ने

मंसिर २९, २०७६ आइतबार १५:५०:९ | उज्यालो सहकर्मी

काठमाण्डाै - नेपाल वायुसेवा निगमले जापानको नारिता र चीनको ग्वानझाउमा उडान गर्ने भएको छ ।

मंसिर २६ गते बसेको निगमको कार्यकारी समितिको बैठकले नेपाल भ्रमण बर्ष २०२० लाई लक्षित गरेर दुई नयाँ गन्तव्यमा उडान गर्ने निर्णय गरेको हो ।

निगमले अहिले जापानको ओसाकामा उडान गरिरहेको छ तर त्यहाँ भन्दा धेरै नारिताबाट यात्रु पाउने अपेक्षा छ । यस्तै लामो समयदेखि चीन उडान गर्ने तयारी गरे पनि असफल भएको निगमले ग्वानझाउमा पनि उडान गर्ने भएको हो ।

जस अनुसार जापानको नारिता मार्चको पहिलो साताबाट र चीनको ग्वानझाउ मार्चको दोश्रो साता उडान गर्ने भएको छ । यी उडान थपिएपछि पर्यटकहरुको संख्यामा उल्लेखनीय वृद्धि हुनुको साथै पर्यटन क्षेत्रमा राम्रो प्रभाव पर्नेे निगमले दावी गरेको छ ।

यी दुई गन्तव्यको उडान थपिएपछि ए ३२० न्यारोबडी र ए ३३० वाइडबडीले उडान घण्टामा वृद्धि गर्नेछन् ।

यसपछि निगमको अन्तर्राष्ट्रिय गन्तव्यमा जापानको नारिता, चीनको ग्वानझाउ, भारतको दिल्ली, बेंगलाेर,मुम्बई, बैंकक, मलेसिया, दुबई, दोहा र हङकङ गरी अन्तर्राष्ट्रिय स्तरमा १० गन्तव्य हुनेछन् ।

निगमसँग हाल दुई ए३२० न्यारोबडी र दुई ए ३३० वाइडबडी विमानहरु रहेका छन् । निगमले विमानहरुको उडान घण्टाको आधारमा अन्य गन्तव्य विस्तारमा जवाफदेहितापूर्ण र उच्च सक्रियताका साथ क्रियाशील हुने प्रतिबद्धता व्यक्त पनि व्यक्त गरेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्