सीमा बचाउ अभियानले नापी विभागमा बुझायाे भारत अतिक्रमित ७१ ठाउँका भूभागसहितकाे नक्सा

मंसिर २९, २०७६ आइतबार २०:९:५२ | उज्यालो सहकर्मी

काठमाण्डाै - सीमा बचाउ अभियानले सुगौली सन्धीअनुसारको नेपालको नक्सा नापी विभागलाई बुझाएको छ ।

अतिक्रमित नेपाली भूभागसहित समेटेर तत्काल नयाँ नक्सा सार्वजनिक गर्न सरकारलाई दबाब दिँदै अभियानले विभागलाई नक्सा बुझाएको हो । सुगौली सन्धीको ५ नम्बर बुँदामा महाकाली नदिको पूर्वपट्टीको वारीका सबै नेपाली भूभाग रहने उल्लेख गरिएको छ । महाकाली नदी वारीको भूभागमा लिम्पियाधुरासहित पर्छ ।

सरकारी कार्यालयदेखि विद्यालयसम्म गलत नक्सा चलनमा रहेको भन्दै अभियानले दबाबस्वरुप आइतबार नापी विभागलाई सुगौली सन्धीअनुसारको नक्सा बुझाएको हो । नक्सा बुझाउन अभियानका संयोजक स्वनाम साथी, हिरण्यलाल श्रेष्ठ, भैरव रिजाल लगायत अभियानकर्मी विभागमा पुगेका थिए ।

अभियानले बुझाएको नयाँ नक्सामा भारतबाट अतिक्रमण भएका विभिन्न ७१ ठाउँको भूभाग समेटिएको छ । यस्तै अभियानले नेपाली भूमीबाट भारतीय सेना तत्काल हटाउन पनि आग्रह गरेको छ ।

अभियानकर्मीसँगको भेटमा नापी विभागका महानिर्देशक प्रकाश जोशीले माथिल्लो तहको निर्देशन आउनेबित्तिकै तत्काल नयाँ नक्सा सार्वजनिक गर्न तयार रहेको बताउनुभयो ।

अतिक्रमित भूभागसहित समेटेर नयाँ नक्सा सार्वजनिक गर्न आफूहरुले माथिल्लो तहको निर्देशन कुरेर बसेको पनि उहाँले बताउनुभयो । अभियानले अव प्रधानमन्त्री र राष्ट्रपतिलाई पनि भेटेर अतिक्रमित भुमीसहित समावेश गरी तत्काल नयाँ नक्सा सामर्वजनिक गर्न दबाब दिने तयारी गरेको छ ।

अन्तिम अपडेट: फागुन ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्