महाचिलकाे संख्या २२ प्रतिशतले घट्याे

पुष ७, २०७६ सोमबार १३:६:३८ | उज्यालो सहकर्मी

काठमाण्डौ – नेपालमा गएको आठ वर्षमा महाचिलको संख्या २२ प्रतिशतले घटेको चराविद्ले बताएका छन् ।

सन् २०१२ मा गरिएको चरा गणनामा ६ हजार सात सय वटा महाचिल रहेकामा अहिले घटेर पाँच हजार एक सय मात्रै रहेको चराविद् डाक्टर तुलसी सुवेदीले जानकारी दिनुभयोे ।

खेतबारीमा रासायनिक मल र विषादीको बढ्दो प्रयोग, वन फडानी र अतिक्रमण, डढेलो, घाँसे मैदानको अभाव, चोरी शिकारी र अवैध व्यापार, बदलिँदो तापमान र मौसम परिवर्तन, बासस्थान र आहारको कमी लगायत कारणले महाचिलको संख्या घटेको सुवेदीले बताउनुभयो ।

महाचिलको संख्या घटे पनि आगन्तुक चरामध्ये भने अहिलेसम्म पनि महाचिलकै संख्या धेरै रहेको छ । नेपालमा २६ प्रजातिका आगन्तुक चरा पाइन्छन् भने ६ प्रकारका महाचिल रहेका छन् । यस्ता चराहरु मौसमअनुसार विभिन्न देशमा आउने–जाने गर्छन् । यसरी आउने जाने चराले झण्डै पाँच हजार किलोमिटरसम्मको दुरी पार गर्छन् ।

भदौको अन्तिमबाट नेपाल भित्रने आगन्तुक चराहरु चैतको अन्तिमतिर फर्कन्छन् ।

यसैबीच हिमाली गिद्धको बारेमा जानकारी लिन स्याटलाइट प्रणालीबाट अनुगमन सुरु गरिएको छ । हिमाली गिद्धको मुख्य बासस्थान पत्ता लगाउन, उनीहरुको आहार विहार र दिनचर्या पत्ता लगाउन यस्तो प्रविधिमार्फत अनुगमन सुरु गरिएको चराविद् तुलसी सुवेदीले बताउनुभयो ।

नेपालमा ८ सय ८७ प्रजातिका चरा पाइन्छन् । सबैभन्दा बढी प्रजातिका चरा चितवनमा पाइन्छ ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्