देशका धेरै ठाउँमा वर्षा, दिनभर मौसम बदली हुने

जेठ १०, २०७५ बिहीबार ८:२५:३४ | उज्यालो सहकर्मी

उपत्यका सहित देशका धेरै ठाउँमा रातिदेखि पानी परेको छ । आज दिनभर नै मौसम बदली हुने मौसमविद विभूति पोख्रेलले बताउनुभयो ।

उहाँका अनुसार अहिले बदली भएको ठाउँको मौसम दुईतीन घण्टापछि खुलेपनि फेरि बदली भएर पानी पर्ने सम्भावना छ । केही ठाउँमा मेघ गर्जन र हावाहुरीसहित पानी पर्न सक्ने उहाँले बताउनुभयो । भारतको बिहारमा बनेको न्यूनचापीय क्षेत्र, बंगालको खाडीबाट आएको जलवाष्पयुक्त हावा र पश्चिमी वायुको प्रभावले देशभरीकै मौसम बदली भै केही ठाउँमा पानी परेको मौसमविद् पोख्रेलको भनाई छ ।

मौसमविदका अनुसार सुदूरपश्चिम बाहेकका अरु ठाउँको मौसम अझै एकदुई दिन पूर्ण रुपमा खुल्ने संभावना कम छ । सुदूरपश्चिममा बढ्दै गएको तापक्रम घट्ने संभावना कम रहेको पनि उहाँले जानकारी दिनुभयो । गएको सोमबार धेरै ठाउँको तापक्रम ३ डिग्रीसम्म बढेको थियो । धनगढी र दिपायलको तापक्रम यो वर्षकै बढी ४१ डिग्री सेल्सियस पुगेको थियो । त्यसमा हिजो घटेर ३९ दशमलव ५ डिग्रीसम्म झरेपनि अबको केही दिन तापक्रम नघट्ने मौसमविद्को अनुमान छ ।

अन्तिम अपडेट: चैत ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्