अब जुम्लामै एमबीबीएस र एमडीजीपीकाे पढाइ हुने

पुष १४, २०७६ सोमबार १७:२९:४७ | नेत्र शाही

जुम्ला – कर्णाली स्वास्थ्य विज्ञान प्रतिष्ठान शिक्षण अस्पतालको सातौँ सिनेट बैठकले जुम्लामा एमबीबीएस र एमडीजीपीको कक्षा सञ्चालन गर्ने भएको छ ।

प्रधानमन्त्री तथा कुलपति केपी शर्मा ओलीको सहमतिमा स्वास्थ्य जनसङ्ख्या मन्त्री तथा प्रतिष्ठानका सहकुलपति भानुभक्त ढकालको अध्यक्षतामा काठमाण्डौमा बसेको बैठकले कर्णाली प्रतिष्ठानमा एमबीबीएस र एमडीजीपी सञ्चालन गर्ने निर्णय गरको प्रतिष्ठानका शिक्षाध्यक्ष डा. निरेश थापाले जानकारी दिनुभयो ।

उहाँका अनुसार प्रतिष्ठानले उठाएको प्रस्ताव नम्बर ५ को निर्णयअनुसार कर्णाली प्रतिष्ठानका शैक्षिक कार्यक्रमहरु एमबीबीएस, एमडीजीपी जनरल, एम एस अर्थोपेडिक्स, एमडी इन एनेस्थियोलोजी, एमडी एण्ड पेड्यिाडिक्स, एमडी गाइनोकोलोजी, एमएसी इपिडिमियोलोजी, ब्याचलर न्युट्रेसन र फारमेसीका कार्यक्रमहरु सञ्चालनगर्ने निर्णय गरिएको हो ।

यसैगरी उच्चस्तरका शैक्षिक कार्यक्रमहरुसहित १२ वटा प्रस्तावहरु सहमति पारित गरिएको प्रतिष्ठानका रजिस्ट्रार विश्वराज काफ्लले जानकारी दिनुभयो ।

उहाँका अनुसार प्रतिष्ठानको संशोधित नियमावली बजेटसहित पारित भएका छन् । यसैगरी प्रतिष्ठानको बहुवर्षीय योजनासमेत पारित भएको प्रतिष्ठानका रजिस्ट्रार काफ्ले थप्नुभयो ।

प्रतिष्ठानले एमबीबीएस र एमडीजीपीको अध्ययन सुरु गर्ने निणर्यपछि कर्णालीवासी खुशी भएका छन् । प्रतिष्ठानको यो सिनेट बैठकले अब कर्णालीको विकासमा अर्को आयम थपिएको प्रतिष्ठान स्थापना पहल समितिका संयोजक तथा कर्णाली प्रदेश आन्तरिक मामिला तथा कानुन मन्त्री नरेश भण्डारीले प्रतिक्रिया दिनुभयो । यद्यपि शैक्षिक उच्च तहका कार्यक्रमलाई भने चिकित्सा शिक्षा आयोगले स्वीकृति दिनुपर्दछ ।

यसअघि एचए, स्टाफनर्सिङ, बीपीएच लगायतका कार्यक्रमहरु सञ्चालन भइरहेका छन् । यसैगरी प्रतिष्ठानको सिनेट बैठकले छनोट समितिको अध्यक्षमा प्रा. डा. गणेश गुरुङ र सदस्यमा डा. तरुण पौडेललाई नियुक्त गर्ने निर्णय गरेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्