भारतीय अभिनेता बच्चनलाई 'दादा साहेब फाल्के पुरस्कार'

पुष १५, २०७६ मंगलबार १२:४६:५० | उज्यालो सहकर्मी

काठमाण्डाै – भारतीय चलचित्र उद्योगका दिग्गज अभिनेता अमिताभ बच्चनलाई दादा साहेब फाल्के पुरस्कारबाट सम्मानित गरिएको छ ।

आइतबार राष्ट्रपति भवनमा भएको कार्यक्रममा भारतीय राष्ट्रपति रामनाथ कोविन्दले बच्चनलाई पुरस्कारबाट सम्मानित गरेका हुन् । सम्मान कार्यक्रममा ७७ वर्षीय अभिनेता बच्चनसँगै उनकी श्रीमती जया बच्चन र छोरा अभिषेक बच्चन पनि सहभागी भएका थिए ।

अमिताभ बच्चनले समारोहमा आफू भविष्यमा अझै धेरै काम गर्न उत्सुक रहेको बताए । बच्चनले पुरस्कार ग्रहणका क्रममा ठट्टा गर्दै भने ‘यो पुरस्कारको घोषणा भइरहँदा कतै मलाई अब घरमै बसेर आराम गर्नुस् भनेको हो कि भन्ने शङ्का उब्जिएको थियो ।’

बच्चनले यस विषयमा अगाडि भने, ‘अझै धेरै कामहरु बाँकी नै छन्, जसलाई मैले पूरा गर्नु छ । साथै अगाडि कैयौं सम्भावनाहरु बनिरहेका छन्, भविष्यमा पनि मैले कैयौं कामहरु गर्नुपर्नेछ ।’

— ANI (@ANI) December 29, 2019

अमिताभ बच्चनले सन् १९६९ मा चलचित्र ‘सात हिन्दुस्तानी’ मार्फत आफ्नो करियरको सुरुवात गरेका थिए । उनको ५० वर्षे लामो करियरमा हिन्दी चलचित्रदेखि विज्ञापन र टेलिभिजन कार्यक्रम ‘कौन बनेगा करोड पति’ मा पनि देखिएका छन् । बच्चनको यति लामो करियरमा झण्डै ३ सय ३४ पुरस्कार तथा नोमिनेसनहरु उनको नाममा छ । उनले चार वटा राष्ट्रिय पुरस्कार तथा १२ वटा फिल्मफेयर पुरस्कार पनि जितेका छन् ।

अमिताभ बच्चन बाहेक भारतीय सिनेमा जगतमा कुनै पनि अभिनेतालाई सर्वश्रेष्ठ अभिनयका लागि चार वटा राष्ट्रिय पुरस्कार दिइएको छैन ।

बच्चनलाई सन् १९९० को चलचित्र ‘अग्निपथ’, सन् २००५ को चलचित्र ‘ब्ल्याक’, सन् २००९ को चलचित्र ‘पा’ र सन् २०१५ को चलचित्र ‘पिकू’ मा उत्कृष्ट अभिनय गरे बापत राष्ट्रिय पुरस्कारद्वारा सम्मान गरिएको थियो ।

अन्तिम अपडेट: फागुन १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्