पानीमा रुझेरै माइतीघरमा उखु किसानकाे प्रदर्शन

 पुस १८, २०७६ शुक्रबार १७:५४:२० | उज्यालो सहकर्मी
unn.prixa.net

काठमाण्डौ - चिनी मिलले दिनुपर्ने भुक्तानीको माग गर्दै आन्दोलन गरिरहेका उखु किसानले अहिले पनि माइतीघर मण्डलामा प्रदर्शन गरिरहेका छन् । पानीमा रुझ्दै किसानले प्रदर्शन गरेका हुन् । 

सरकारले आउँदो माघ ७ गतेभित्र भुक्तानी गर्न बाँकी रहेको रकम उपलब्ध गराउने बताए पनि किसानहरुले लिखित प्रतिबद्धताको माग गरिरहेका छन् । 

यसैबीच उद्योग, वाणिज्य तथा आपूर्तिमन्त्री लेखराज भट्टले माघ ७ गतेभित्रै मिल सञ्चालकबाट उखु किसानरुको भुक्तानी गराइनेबारे लिखित सहमति गर्ने प्रतिबद्धता व्यक्त गर्नुभएको छ । 

रिपोर्टर्स क्लबमा भएको कार्यक्रममा मन्त्री भट्टले उखु किसानको मागप्रति सरकार सुरुदेखि नै सकारात्मक र गम्भीर रहेको बताउनु भएको हो ।

माघको पहिलो हप्ताभित्रै सबै भुक्तानी दिलाउनेगरी लिखित रुपमै सहमति गर्ने उहाँले बताउनु भयो । उहाँले यो महिनाभित्र ८० प्रतिशत र बाँकी २० प्रतिशत माघको पहिलो हप्तासम्म भुक्तानी गराइसक्ने दावी गर्नुभयो ।
 

अन्तिम अपडेट: चैत ११, २०८०

तपाईको प्रतिक्रिया