जुम्लामा कुलोकाे बहु-उपयाेग : सिँचाइ पनि, बिजुली पनि

पुष २२, २०७६ मंगलबार १८:२८:४८ | नेत्र शाही

जुम्ला - जुम्लाको तिला गाउँपालिकाको दुर्गम गाउँ पुरुमा एउटै कुलोबाट सिँचाइ र विद्युत उत्पादन गरिएको छ । कुलोको बुहउपयोगितापछि स्थानीयलाई खेतिपाती गर्न सहज भएको छ भने बिजुलीबाट गाउँ नै झिलिमिली भएको छ ।

नेपाल सरकार वन तथा वातावरण मन्त्रालय र विश्व खाद्य कार्यक्रम अन्तर्गत स्थानीय संस्था पेस नेपालले पक्की कुलाेको निर्माण गरेको हो । ‘खाद्य सुरक्षा र जलवायु अनुकूलताको क्याप्स कर्णाली’ परियोजना अन्तर्गत निर्माण गरिएको पक्की कुलोको पानीले गाउँको १६ हेक्टर जमिनमा सिँचाइ गरिएको छ ।

पेस नेपालका कार्यकारी अध्यक्ष किशोर न्यौपानले कुलो निर्माणको लागि ५२ लाख रुपैयाँ लागत लागेको जानकारी दिनुभयो । कुलोको १ हजार ७५ मिटर लम्बाइमध्ये ५ सय ८८ मिटर पक्की गरिएको उहाँले बताउनुभयो ।

कुलोबाट उत्पादित ११ किलोवाट बिजुलीले १८ घरधुरीमा बत्ती बाल्न पुगेको छ । लसुनडाँडी बहुउदेश्य सिँचाइ योजनाका सचिव नरेन्द्र बिकले कुलोबाट पानी घट्ट सञ्चालन गर्न लागिएको जानकारी दिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्