समाचार संकलनका क्रममा जनकपुरमा आधा दर्जन पत्रकारमाथि हातपात : क्यामेरालगायतका उपकरण खाेसिए

 पुस २२, २०७६ मंगलबार २०:४२:४९ | उज्यालो सहकर्मी
unn.prixa.net

धनुषा - समाचार संकलनका लागि जनकपुर उपमहानगरपालिका पुगेका उज्यालो सहकर्मी सुभाष कर्णसहित आधा दर्जन पत्रकारमाथि कुटपिट भएको छ ।

सडक विस्तारको क्रममा जानकी मन्दिर फुलबारीको जग्गा उपमहानगरपालिकाले मिचेको विषयमा मेयर लालकिशोर साहको अभिव्यक्ति लिने क्रममा पत्रकारमाथि कुटपिट भएको हो । पत्रकारहरुले मिडिया आतंक फैलाउन खोेजेको भन्दै हप्काउँदै साहका केही कार्यकर्ता र नगर प्रहरीले कुटपिट गरेका उज्यालो सहकर्मी कर्णले बताउनुभयो ।

पत्रकारहरुले जानकी मन्दिर फुलबारीको जग्गा अतिक्रमणको नापीमा के भयो? भन्ने विषयमा प्रश्न गरेका थिए ।  पत्रकारका क्यामेरा, मोबाइल लगायत समाचार पनि नगर प्रहरीले खाेसेका छन् । पत्रकारमाथि भएको दुर्व्यवहारप्रति पत्रकारसँग सम्बन्धित संगठनले विरोध गरेको छ ।

अन्तिम अपडेट: फागुन ३०, २०८०

तपाईको प्रतिक्रिया