प्रहरी प्रशासनकै आडमा दिलिपको हत्या गरिएकाे मुख्यमन्त्री राउतकाे आराेप

पुष २९, २०७६ मंगलबार १६:४३:२९ | सुभाष कर्ण

धनुषा - प्रदेश २ का मुख्यमन्त्री लालबाबु राउतले प्रहरी प्रशासनकै आडमा अवैध बालुवा गिट्टी उत्खननकाे विराेधमा उत्रिएका ओमप्रकाश भनिने दिलिपकुमार महतोकाे हत्या गरिएको आरोप लगाउनु भएको छ ।

यादवले दिलिपकाे हत्या गरी प्रहरी प्रशासनकै मिलोमतोमा घटनालाई दुर्घटनामा परिणत गर्न बिनामुचुल्का शव पोष्टमार्टमका लागि पठाइएको बताउनु भएको हो

मंगलबार नीति अनुसन्धान प्रतिष्ठान, परराष्ट्र मन्त्रालय, र परराष्ट्र मामिला अध्यन प्रतिष्ठानद्वारा संयुक्त रुपमा आयोजित जलवायु परिवर्तन, पर्वतीय वातावरण र मानव जातिको भविष्य विषयक सगरमाथा सम्वाद कार्यक्रमलाई सम्बोधन गर्दै उहाँले यस्तो आरोप लगाउनु भएकाे हाे ।

प्रहरी प्रशासनकै मिलोमतोमा प्रदेशका नदी तथा खोलाहरुमा दर्जनौँको संख्यामा अवैध क्रसरहरु सञ्चालन भइरहेकाे उहाँले बताउनुभयाे । जिल्लाका प्रमुख जिल्ला अधिकारी सक्रिय भएर नियन्त्रण गर्नतर्फ लागे अवैध क्रसर उद्योगहरु बन्द हुनसक्ने भन्दै यादवले सम्बन्धित निकाय निस्क्रिय भएकाे बताउनुभयाे ।

उहाँले भन्नुभयो, ‘प्रदेश सरकारको मातहतमा प्रहरी प्रशासन भएको भए यस्ता अवैध उत्खनन कार्य पहिले नै खत्तम हुनसक्थ्यो । तर दुर्भाग्य, संघ सरकारले शान्ति सुुरक्षाको नाममा अवैध काममा सघाउँदै आएकाे छ ।’

उहाँले अवैध उत्खनन र चुरे दोहनमा यहाँका स्थानीय प्रशासन मात्रै नभइ गृहमन्त्रालयसम्मको प्रत्यक्ष संलग्नता रहेको आरोप लगाउनुभयाे । ‘प्रदेश-२ समाप्त पार्न तलदेखि माथिसम्मको निकायले सुनियोजित ढङ्गले वन कटानी र अवैध उत्खनन गराइरहेको छ’, उहाँले भन्नुभयो ।

चुरे दोहन र वन विनासले नेपालमा प्राकृतिक विपद् निम्त्याएकाे बताउँदै उहाँले चुरे दाेहन र वन विनास रोक्नुको साटो जलवायु परिवर्तन रोक्न सभा सम्मेलनमा समय खर्चिनु दुभाग्यपूर्ण भएकाे बताउनु भयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्