कन्हैया कुमारकाे लाेकप्रियताले माेदी सरकार चिन्तित !

माघ २, २०७६ बिहीबार १२:३०:२४ | एजेन्सी

काठमाण्डौ – जवाहरलाल नेहरु विश्वविद्यालयको पूर्व छात्र सङ्घ अध्यक्ष एवं युवा नेता कन्हैया कुमारको लोकप्रियता बढ्दो छ । यही लोकप्रियताले प्रधानमन्त्री नरेन्द्र मोदीलाई चिन्तित बनाएको अन्तर्राष्ट्रिय सञ्चारमाध्यम रोयटर्सले एक प्रतिवेदनमा भनेको छ ।

रोयटर्सले प्रधानमन्त्री नरेन्द्र मोदीको नजिकको स्रोतलाई उद्धृत गर्दै लेखेको छ, ‘युवा र पहिलो पटक मतदान गर्न गइरहेको मतदाताबीच कन्हैया कुमारको लोकप्रियताले मोदी सरकार चिन्तित छ ।’ प्रतिवेदनमा स्रोतको नाम उल्लेख गरिएको छैन ।

रोयटर्सका अनुसार केन्द्र सरकारले कन्हैया कुमारको व्यक्तिगत जीवन र उनलाई प्राप्त हुने आर्थिक सहयोगलाई नजिकैबाट हेरिरहेको छ ।

यससम्बन्धमा प्रधानमन्त्री कार्यालय र गृह मन्त्रालयसँग कुराकानी गरियो तर कुनै जवाफ नपाइएको समाचार संस्था रोयटर्सले बताएको छ ।

भारतकै प्रख्यात विश्वविद्यालयमध्ये एक विश्वविद्यालयको प्राङ्गणमा उभिएर एउटा युवा नेता उत्साही समर्थकलाई देखेर प्रधानमन्त्री नरेन्द्र मोदीलाई एक कठिन चुनौती दिन्छ ।

‘भारतको योजना खतरामा छ’ उत्तर–पूर्वी बिहारका वामपन्थी राजनेता कन्हैया कुमार भन्छन्, ‘हामी रोकिने छैनौँ । सरकारले शक्ति प्रयोग गरोस् । उनीहरुले प्रहरी पनि परिचालन गरुन्’, एकछिन रोकिएर फेरि भन्छन्, ‘उनीहरुलाई गलत साबित गर्न हामी उदाउने छौँ । सुन, मोदी !’

कन्हैया कुमारले स्टेजबाट ‘स्वतन्त्रता’ भनिरहँदा उपस्थित भएकाहरुले त्यही शब्दलाई निकै जोडका साथ दोहोर्याउँथे । कन्हैया कुमार कहिले हात हावामा उडाउँथे त कहिले आफ्नो हात घाँटीमा बेरिएको रातो गलबन्दीमा पुर्‍याउँथे ।

३३ वर्षीय बिहारका राजनीतिज्ञ मोदी सरकारका लागि चिन्ता र चुनौतीको विषय बनेका छन् । कन्हैयाले गएको डिसेम्बरमा पेस गरिएको हिन्दू राष्ट्रवादीलाई बल पुग्ने नागरिकता संशोधन कानुन (सीएए) को पनि खुलेर विरोध गरेका छन् । आलोचकहरुले सीएएले भारतमा रहेका मुस्लिम अल्पसङ्ख्यक सीमान्तकृत गर्ने र धर्मनिरपेक्ष नीतिलाई कमजोर पार्ने बताएका छन् ।

विरोध प्रदर्शनमा एक जना नेतामात्र छैनन्, विश्वविद्यालय परिसरमा सफाइ गरिरहेका र केही छात्रहरुले हङकङमा सरकार विरोधी प्रदर्शनबाट प्रेरित भएको बताउँछन् । तर विरोधमा सहभागी भएकाहरुको बीचमा कन्हैया कुमारको ‘स्वतन्त्रता’ गान सर्वत्र बजाइन्छ ।

मोदीले बलियो बहुमतका साथ लगातार दोस्रो राष्ट्रिय चुनाव जितेपछि भारतीय कम्युनिस्ट पार्टीको गुटले भनेको छ, ‘कन्हैया कुमारको राष्ट्रियस्तरमा प्रभाव निकै कम छ ।’ तर प्रधानमन्त्रीका वरिष्ठ सहयोगीका अनुसार कन्हैया कुमारको लोकप्रियकता र सन्देश मोदी सरकारको नीतिलाई कमजोर पार्न सक्छ र राजनीतिकरुपमा पनि कमजोर पार्न सक्छ ।

कुमारको सन्देशले मोदीले बढ्दो बेरोजगारी हटाउन र लाखौँ भारतीय युवालाई रोजगारी दिन विफल रहेको आरोपलाई केन्द्रित गरेको छ । साथै मोदीको कट्टर हिन्दूत्ववादी नीतिले धर्मनिरपेक्षतालाई हटाउन र मुसालमान जस्ता अल्पसङ्ख्यकको लागि जीवन जिउन मुश्किल भइरहेको छ ।

रोयटर्ससँगको एक टेलिफोन अन्तर्वार्तामा उनको नीतिको बारेमा सोधेपछि कन्हैयाले संविधानलाई समर्थन गर्ने वचन दिने बाहेक राजनीतिक प्रतिज्ञा गर्न नकार्दै आफ्नो मुख्य उद्देश्य सरकारको ध्यान केन्द्रित रहेको बताए ।

‘मोदीले आफ्नो दोषपूर्ण रेखाहरु हटाउनको लागि धर्मको प्रयोग गरेका हुन् र रोजगारीको सिर्जना गर्न पनि उनी चुके । यसलाई कसैले पनि नभुलुन्’, कन्हैयाले भने ।

विपक्षीको समर्थन, सामान्य पारिवारिक पृष्ठभूमि र धर्मनिरपेक्षताको समर्थनमा आवाज उठाएको हुनाले कन्हैया कुमारको लोकप्रियता दिन प्रतिदिन बढिरहेको बताइन्छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्