हिमपहिराेका कारण मनास्लु पदमार्ग अवरुद्ध

माघ ४, २०७६ शनिबार ८:१५:३१ | किरण लोहनी

गोरखा - हिमपहिराेका कारण मनास्लु पदमार्ग अवरुद्ध भएको छ ।

चुमुनुब्री गाउँपालिका वडा नं ४ को नामरुङमा बाटोमाथि लगातारको हिमपातपछि थुप्रिएको हिउँ पहिराेकाे रुपमा खस्दा पदमार्ग अवरुद्ध भएको वडाअध्यक्ष पेमा डुण्डुप लामाले बताउनुभयो ।

नामरुङ गाउँभन्दा करिब ५ सय मिटर माथिबाट खसेको हिउँपहिरो बुढीगण्डकी नदीसम्म पुगेको उहाँको भनाई छ । पदमार्गको करिब २५ मिटर क्षेत्रमा हिउँसहितको पहिरो थुप्रिएको लामाले बताउनुभयो ।

फेरि पहिरो खस्ने सम्भावना भएकाले तत्काल पदमार्गको पहिरो पन्छ्याउन नसकिएको उहाँले जानकारी दिनुभयो ।

यस्तै, चुमनुब्री गाउँपालिका वडा नं. २ को भर्जम गाउँको तल र माथि तथा भर्जमथांकामा पनि हिमपहिरो गएको वडा अध्यक्ष पेम्बारेता लामाले बताउनुभयो । हिमपहिरोबाट मानवीय क्षति नहोस भनेर यस क्षेत्रमा सुरक्षा सतर्कता बढाइएको जिल्ला प्रहरी कार्यालय गोरखाका प्रहरी उपरीक्षक ओमप्रसाद अधिकारीले बताउनुभयो ।

स्थानीयसँगको समन्वयमा पहिरो हटाउन तथा थप सुरक्षा अपनाउनका लागि प्रहरी चौकी लार्केका प्रहरी सहायक निरीक्षक प्रेमबहादुर बानियाँको नेतृत्वमा प्रहरी परिचालन गरेको उहाँको भनाई छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्