१३औं सागमा समावेश खेलका इभेन्टहरु निर्धारण

साउन ६, २०७५ आइतबार १९:३:४७ | उज्यालो सहकर्मी

काठमाडौं – १३औं दक्षिण एशियाली खेलकुदमा समावेश खेलका इभेन्टहरु निर्धारण भएको छ ।

शनिबार बसेको दक्षिण एशियाली ओलम्पिक कमिटीको बैठकले खेल संख्या २७ पुर्याएसँगै इभेन्टको पनि छिनोफानो गरेको हो ।

१३औं दक्षिण एशियाली खेलकुद आगामी फागुन २५ देखि चैत ४ गतेसम्म काठमाडौं र पोखरामा आयोजना हुनेछ ।

बैठकले क्रिकेट र प्याराग्लाइडिङ समावेश गरी खेल संख्या २७ पुर्याएको थियो ।

यसअघि १२औं सागमा समावेश भएको २३ खेलकाबाहेक कराते र गल्फ समावेश गर्ने निर्णय भएकोमा शनिबारको बैठकले थप २ खेल समावेश गरेको थियो ।

दक्षिण एशियाली खेलकुदमा प्याराग्लाइडिङ पहिलो पटक समावेश गरिएको हो भने क्रिकेट दोस्रो पटक समावेश गरिएको हो ।

यसअघि सन् २०१० मा ढाकामा भएको ११औं दक्षिण एशियाली खेलकुदमा पहिलो पटक क्रिकेट समावेश गरिएको थियो ।

त्यसपटक यू–२१ टिमबीच प्रतिस्पर्धा गराइएकोमा यसपटक ओलम्पिक टिम अर्थात यू–२३ टिमले सहभागिता जनाउनेछ ।

जसमा ३ जना सिनियर टोलीका खेलाडी राख्न पाइने व्यवस्था गरिएको छ । क्रिकेट महिला र पुरुष दुवै खेलाइनेछ ।

आइतबारको पत्रकार सम्मेलनमा दक्षिण एशियाली ओलम्पिक कमिटीका अध्यक्षसमेत रहेका नेपाल ओलम्पिक कमिटीका अध्यक्ष जीवनराम श्रेष्ठले नेपालमा पछिल्लो समय असाध्यै चर्चित खेल क्रिकेट रहेको तथा शाहसिक तथा पर्यटकीय महत्वका हिसावले प्याराग्लाइडिङ सर्वसम्मत रुपमा समावेश गरिएको जानकारी दिए ।

बैठकले सहभागी २७ खेलका ३१५ इभेन्ट निर्धारण गरेको छ ।

जसमा स्वीमिङमा ४१, एथ्लेटिक्समा ३८, तेक्वान्दोमा ग्यारोगी र पुम्से गरी २१, करातेमा १८, जुडोमा १५ इभेन्ट समावेश गरिएका छन् ।

बैठकले दक्षिण एशियाली ओलम्पिक काउन्सिलको बिधान संशोधन प्रक्रिया पनि अघि बढाएको अध्यक्ष श्रेष्ठले जानकारी दिनुभयो ।
सन् १९८४ मा बनेको काउन्सिलको बिधानलाई समयसापेक्ष परिवर्तन गर्नुपर्ने आवश्यकता रहेको तथा अन्तर्राष्ट्रिय ओलम्पिक कमिटी तथा एशियाली ओलम्पिक कमिटीको ढाँचामा बिधान संशोधनको तयारी गरिएको छ ।

बिधान संशोधनका लागि अगष्ट १० सम्म सुझाव संकलन गरिने र अगष्ट १९ मा इण्डोनेसियाको जाकार्तामा बस्ने काउन्सिलको बैठकले अन्तिम निर्णय लिने अध्यक्ष श्रेष्ठले जानकारी दिनुभयो ।

अध्यक्ष श्रेष्ठले खेलकुद मन्त्रालय, राष्ट्रिय खेलकुद परिषद लगायतका सरोकारवाला निकायहरुले साग गेम्सका लागि पूर्वाधार निर्माण लगायतका तयारीका लागि सक्रिय रहेका बेला प्रतियोगिता तोकिएकै मितिमा आयोजना हुनेमा शंका नगर्न अनुरोध गर्नुभयो ।
यद्यपि, भौतिक पूर्वाधारको तयारीका लागि द्रुत गतिमा काम अघि बढाउनुपर्ने उनले बताए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्