अबदेखि धादिङमा ट्रकलगायतका मालवाहक गाडीले यात्रु चढाएमा कारबाही गरिने

माघ ८, २०७६ बुधबार २०:३८:१६ | सिताराम अधिकारी

धादिङ - जिल्लामा यात्रु बाेक्नुनपर्ने गाडीहरुमा यात्रु बाेकेकाले दुर्घटना बढेपछि जिल्ला प्रशासन कार्यालयले बुधबार धादिङबेसीमा यातायात व्यवसायी, प्रहरी र नागरिक समाजसँग छलफल गरेको छ ।

जिल्ला प्रशासनले गरेको छलफलपछि सिटभन्दा बढी यात्रु चढाउने, मालवाहक गाडीले यात्रु चढाउने गरेमा अबदेखि जिल्ला प्रहरी कार्यालयले मुद्धा दर्ता गरी कारबाही गर्ने सहमति भएको छ ।

सवारी चालकले जाँडरक्सी खाएकाे पाइएमा त्यस्ता सवारी चालकलाई अबदेखि जरिबाना नभइ प्रहरीले हिरासतमा राखेर कारबाही गरिने प्रमुख जिल्ला अधिकारी असमान तामाङले बताउनुभएको छ ।

बीमा नभएका गाडी सञ्चालनमा पूर्ण रुपमा रोक लगाउने, ब्लुबुकमा जुन प्रयोजन भनिएको छ त्यसैअनुसार गाडी चलाउने, प्रदूषण पास नभएका गाडी चलाउनमा रोक लगाउने, सामान ढुवानी गर्दा गाडीकाे बाहिर निस्कनेगरी सामग्री राख्न नपाइने निर्णय गरिएको छ ।

ट्राफिक प्रहरीहरुले सवारी चालक र यात्रुहरुका लागि सचेतनामूलक कार्यक्रम सञ्चालन गर्ने, टाइम कार्डकाे व्यवस्था गर्ने, मापसे परीक्षण गर्ने, रातको लागि विशेष सांकेतिक बोर्डहरुको व्यवस्थापन गर्ने, यात्रुसंख्याभन्दा बढी यात्रु राखेमा कारबाही गर्ने निर्णय गरेको छ ।

जिल्लाको प्रमुख तिर्थस्थल ढोला मण्डलीलाई सभ्य बनाउने, मण्डली क्षेत्रमा मदिरा पूर्ण रुपमा बन्द गर्ने सहमति पनि गरिएको छ ।

प्रमुख जिल्ला अधिकारीले संयोजन गर्नुभएको सरोकारवालाहरुको बैठकमा जिल्ला प्रहरी कार्यालयका प्रमुख प्रहरी उपरीक्षक रबिन्द्र रेग्मी, ट्राफिक प्रहरी प्रमुख, यातायात व्यवसायी र नागरिक समाजका प्रतिनिधिहरुको सहभागिता रहेको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्