बाजुरामा रुघाखोकी र ज्वरो प्रभावित ३ सय १५ जनाको उपचार, अन्य ठाउँमा पनि बिरामी बढ्दै

माघ २३, २०७६ बिहीबार ९:१३:६ | निमेन्द्र शाही

बाजुरा – बाजुराकाे रुघाखोकी र ज्वरो प्रभावित क्षेत्रमा बिरामीकाे उपचार थालिएको छ । बुधबार औषधिसहित पुगेको डाक्टरको टोलीले एक दिनमै ३ सय १५ जनाको उपचार गरेको छ ।

डाक्टरकाे टोलीले हिमाली गाउँपालिकामा दुई सय ५० जना र स्वामीकार्तिक खापार गाउँपालिकामा ३५ जना बिरामीको उपचार गरेको स्वास्थ्य कार्यालय बाजुराले जनाएको छ ।

चिसोका कारण बाजुराका अरु ठाउँमा पनि भाइरल ज्वरोका बिरामी बढिरहेका स्वास्थ्यकर्मीले बताएका छन् । प्रमुख जिल्ला अधिकारी गङ्गाप्रसाद न्यौपाने प्रभावित क्षेत्रमा स्वास्थ्यकर्मीले उपचार गरिरहेको र जिल्लाबाट थप टोली सम्बन्धित क्षेत्रमा पठाएको जानकारी दिनुभयो ।

हिमाली गाउँपालिका स्वास्थ्य संयोजक राजबहादुर भण्डारीका अनुसार मैसमी रुगाखोकी र भाइरल ज्वरो इन्फ्लुएन्जाका कारण सबैजसो गाउँले बिरामी परेका छन् ।

एक हप्तादेखि फैलिएको रुघाखोकी र ज्वरो नियन्त्रणमा नआएपछि बुधबारमात्रै स्वास्थ्य कार्यालय बाजुराले एक जना डाक्टरसहित तीन जनाको टोली प्रभावित क्षेत्रमा पठाएको थियो ।

ज्वरो र रुघाखोकी लागेका दुई जना बिरामीको भने बुधबार ज्यान गएको छ । स्वामीकार्तिक खापर गाउँपालिका १ जोरुका ९० वर्षीया दल रावल र ५५ वर्षीया प्रेमा कडाराको ज्यान गएको हो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्