ए डिभिजन लिग : अन्तिम चरणका तीन खेल हुँदै

फागुन २, २०७६ शुक्रबार ८:२१:१६ | उज्यालो सहकर्मी

काठमाण्डाै – शहीद स्मारक ए डिभिजन लिगमा डिफेन्डिङ च्याम्पियन मनाङ मर्स्याङ्दी क्लब र जावलाखेल युथ क्लबबीच प्रतिस्पर्धा हुँदैछ ।

लिगको अन्तिम चरणको खेलमा जित निकाल्दै मनाङ तेस्राे स्थान हासिल गर्ने लक्ष्यमा हुनेछ । गएकाे संस्करणको विजेता मनाङ २५ अङ्कसहित तालिकाकाे तेस्रो स्थानमा छ । उसले अघिल्ला १२ खेलमा सातमा जित, चारमा बराबरी र एकमा हारको नतिजा निकालेको छ ।

जावलाखेल युथ क्लबको लक्ष्य शीर्ष ६ हो । १२ खेलबाट १९ अङ्क बनाएको जावलाखेल छैटौँ स्थानमा छ । याे खेलमा मनाङलाई हराएमा जावलाखेलको चौथो स्थान सुरक्षित हुनेछ । साथै जावलाखेलसँग पराजित भएमा मनाङको तेस्रो स्थान पनि सुरक्षित हुने छैन ।

भाग्यले साथ दिएमा मनाङलाई लिगमा उपविजेता बन्ने मौका पनि छ । याे खेलमा तीन गोल अन्तरको जित हात पारेमा र अन्तिम खेलमा आर्मीले मच्छिन्द्रलाई पनि तीन गोल अन्तरका आधारमा हराएमा मनाङ उपविजेता बन्न सक्नेछ ।

त्यसअघि थ्री स्टार र च्यासल युथ क्लब प्रतिस्पर्धा गर्दैछन् । च्यासल १५ अङ्कसहित नवौँ स्थानमा छ । थ्री स्टारलाई पनि तेस्रो स्थानमा रहेर लिग समाप्त गर्ने मौका छ । २३ अङ्कसहित चौथो स्थानमा रहेको थ्री स्टारलाई जित हात पारेर तेस्रो स्थानमा उक्लिने मौका छ । थ्री स्टार र च्यासलबीचको खेल सवा १२ बजे सुरु हुनेछ ।

बिहान सवा आठ बजे हिमालयन शेर्पा क्लब र एनआरटीबीच प्रतिस्पर्धा हुँदैछ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्