नेपाली क्रिकेट टिममा नयाँ मुख्य प्रशिक्षक छिट्टै ल्याउने क्यानकाे तयारी

फागुन ६, २०७६ मंगलबार १५:२३:३३ | उज्यालो सहकर्मी

काठमाण्डाै - नेपाली क्रिकेट टिमको मुख्य प्रशिक्षकबाट उमेश पटवालले राजीनामा दिएपछि खाली रहेको पदका लागि नेपाल क्रिकेट संघले जतिसक्यो चाँडो नयाँ प्रशिक्षक ल्याउने तयारी गरेको छ ।

यसका लागि क्यानले अन्तराष्ट्रिय क्रिकेट काउन्सिल आईसीसी र एसियन क्रिकेट काउन्सिल (एसीसी) को वेबसाइटमा विज्ञापन दिने तयारी गरेको छ । नेपालको मुख्य प्रशिक्षकको पोष्ट खालि हुँदा सो स्थानमा कुन प्रशिक्षक ल्याउने भन्ने आन्तरिक तयारी क्यानले गरेको छ ।

यस्तोमा कतिपय क्यानका पदाधिकारीले भारतबाट नयाँ प्रशिक्षक ल्याउने भन्नेमा छन भने कतिपय अरु देशको प्रशिक्षक ल्याउने भन्नेमा छन । तर नयाँ प्रशिक्षकका लागि क्यानले एसीसी र आइसीसीको वेबसाईटमा प्रशिक्षकको विज्ञापन राख्ने र त्यहिबाट छनोट गर्ने तयारी पनि भएको क्यान स्रोतले बताएको छ ।

करिब नौ महिना नेपाल क्रिकेट टिमको मुख्य प्रशिक्षकमा जिम्मेवारी सम्हालेका उमेश पटवालले नेपालमा भएको आइसीसी विश्वकप क्रिकेट लिग दुईको मुखैमा प्रतियोगिता सकिएपछि लागुहुनेगरि राजिनामा दिएका थिए । त्यसपछि क्यानले अन्तरिम प्रशिक्षकका रुपमा जगत टमाटालाई जिम्मेवारी दिएको छ ।

क्यान अध्यक्ष भारतमा नेपाल क्रिकेट संघका अध्यक्ष चतुरबहादुर चन्द यतिबेला भारतमा रहेका छन् । क्रिकेटकै कामका लागि उनी भारत गएका हुन । उनले भारतमा पूर्व क्रिकेटर चेतन शर्मालाई भेट गरेका छन भने समय मिलेमा बीसीसीआइका उच्च पदाधिकारीलाई पनि भेट्ने बताइएको छ ।

चेतन भारतका पूर्व टेष्ट क्रिकेटर तथा प्रशिक्षक पनि हुन् । उनले शर्मासँग नेपाली क्रिकेटका साथै आगामी योजनाका बारेमा पनि केहि कुरा गरेको बताइएको छ । यसका साथै यहि बेला नेपालका लागि उपयुक्त हुनसक्ने प्रशिक्षकका विषयमा पनि कुरा हुने बताइएको छ ।

क्यानले पटवालको स्थानमा सुरुवातमा भारतबाट नै नयाँ प्रशिक्षक ल्याउने मनसाय बनाएको थियो । त्यसका बारेमा पनि अध्यक्ष चन्दले भारतमा रहेका बेला कुरा गर्ने बुझिएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्