अवैध लागुऔषधसहित पक्राउ परेका सात जना सार्वजनिक

फागुन ६, २०७६ मंगलबार १९:५२:३९ | राजु लामिछाने

रुकुम पश्चिम - जिल्ला प्रहरी कार्यालय रुकुम पश्चिमले लागुऔषध कारोबारमा प्रक्राउ परेका सात जनालाई सार्वजनिक गरेकाे छ ।

प्रहरीले विभिन्न ठाउँबाट चरेससहित प्रक्राउ परेका ४ जना, ट्याब्लेटसहित प्रक्राउ परेका २ जना, चरेस र कस्तुरीको दाह्रासहित प्रक्राउ परेका १ जनालाई मङ्गलबार सार्वजनिक गरेको हो ।

प्रहरीले गएकाे माघ २४ गते आठबीसकोट नगरपालिका–१४ बाट ४ जना पक्राउ गरेकाे थियाे। पक्राउ पर्नेहरुमा सानीभेरी गाउँपालिका-४, का २८ वर्षीय बलबहादुर चन्द, बाँफिकोट गाउँपालिका-८, का २३ वर्षीय लक्ष्मण केसी, ५ नम्बर वडाका ३१ वर्षीय महेन्द्रकुमार केसी र आठबीसकोट नगरपालिका–११, का २८ वर्षीय बिमलकुमार शाही रहेका छन् ।

उनीहरुलाई लागुऔषध ब्युरो सुर्खेत र जिल्ला प्रहरी कार्यालयको संयुक्त टोलीले २ सय ७५ ग्राम कालो खैरो रंगको सेलेदार चरेस, अफिमजस्तो अर्ध-ठोस पदार्थ ३० ग्राम फेला परेकाे हाे ।

उनीहरुबाट मिठाइजस्तो देखिने ठोस पदार्थ १३ किलो, लागुऔषधजस्तो बनाइराखेको काठको टुक्राको पोका दश थान र खुर्सानीको धुलोसहित पक्राउ गरिएको जिल्ला प्रहरी प्रमुख प्रहरी नायव उपरीक्षक ठगबहादुर केसीले बताउनुभयो ।

यस्तै गएकाे फागुन ४ गते ट्याब्लेटसहित २ जनालाई त्रिवेणी गाउँपालिका–३, झुल्नेटा बजारबाट पक्राउ गरिएको थियाे । मुसीकोट नगरपालिका–३, का २१ वर्षीय विष्णु कसेरा र रुकुम पूर्वको पुथाउत्तरगंगा गाउँपालिका–१४ का १९ वर्षीय गायस पुन ४ सय ३४ ट्याब्लेट र गाँजासहित पक्राउ परेका हुन् ।

फागुन ५ गते मुसीकोट नगरपालिका-१ बाट चरेस र कस्तुरीको दाह्रासहित रुकुम पूर्व पुथाउत्तरगंगा गाउँपालिका–१० का १९ वर्षीय सिलास बुढा पक्राउ परेका थिए । एक किलो ३ सय ग्राम चरेस, एक किलो ७ सय ग्राम सुकुटी र कस्तुरीको दाह्रासहित पक्राउ परेका हुन् ।

उनीहरुमाथि थप अनुसन्धान भइरहेको प्रहरीले जनाएकाे छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्