पछिल्लो केही दिनदेखिको वर्षाले बंगलादेशको राजधानी ढाकामा केही राहत मिलेको छ । 

वर्षापछि ढाकाको मौसममा शीतलता त छाएको छ तर वर्षामा लिइएको एउटा तस्बिररे सामाजिक सञ्जाल भने तातिएको छ । 

ढाकाको एउटा विश्वविद्यालयका विद्यार्थीको केही तस्बिर अहिले भाइरल भैरहेका छन् । यी तस्बिरमा उनीहरु चुम्बन गरिरहेका छन् । यी तस्बिर फोटो पत्रकार जीवन अहमदका कारण चर्चा र विवादमा आएको हो । 

जीवन अहमदले त्यो फोटो विश्वविद्यालय क्याम्पसका पढ्ने विद्यार्थीले चुम्बन गरिरहेको फोटो खिचेका थिए । उनले यो तस्बिर आफ्नो फेसबुक पेजमा शेयर गरेका छन् । अब सबैभन्दा ठूलो प्रश्न यो उठेको छ कि फोटोपत्रकार अहमदले त्यो जोडीसँग अनुमति लिएको थियो वा थिएन भन्ने कुरा रहेको छ  । 

जीवन अहमदले त्यो फोटो आफूले सामाजिक सञ्जालमा प्रयोग गर्ने अनुमति भने नलिएको स्पष्ट पारेका छन् । तर उनले आफूले फोटो खिचेको त्यो जोडीले देखेको र उनीहरुले आपत्ति नजनाएको बताएका छन् । जीवन भन्छन्, ‘मैले फेसबुकमा त्यो तस्बिर राखेँ तर मलाई भाइरल हुन्छ भन्ने लागेको छैन ।’ पछि जीवनले फेसबुकबाट फोटो हटाए  । 

फेसबुकमा कसैको व्यक्तिगत क्षणको फोटो राख्दा अनुमति लिनु पर्छ कि पर्दैन भन्नेमा बंगलादेशमा बहस सुरु भएको छ । कतिपयले त जीवनले फोटो नै सम्पादन गरेको आरोप लगाएका छन् । तर जीवनले भने यसको खण्डन गरेका छन् । 

कतिपयले यो फोटोलाई अभिव्यक्ति स्वतन्त्रतासँग जोडेर हेर्दै प्रशंसा पनि गरेका छन् ।