'रियल मड्रिड म्यानचेस्टर सिटी र पेप काेहीसँग पनि डराउँदैन'

फागुन १४, २०७६ बुधबार ८:५३:५ | उज्यालो सहकर्मी

काठमाण्डाै – च्याम्पियन्स लिगमा बुधबार राति स्पेनकाे क्लब रियल मड्रिड र इङ्ग्लिस क्लब म्यान्चेस्टर सिटी प्रतिस्पर्धा गर्दैछन् । प्रशिक्षक पेप ग्वार्डिओला पुरानो प्रतिद्वन्द्वीको मैदानमा फर्कँदा रियल मड्रिडका समर्थक फेरि एक पटक उनको विरोधमा हुनेछन् ।

खेलाडी र प्रशिक्षकको भूमिकामा ग्वार्दिओलाले रियल मड्रिडविरुद्ध कयौँ पटक खेलेका छन् । म्यान्चेस्टर सिटीका प्रशिक्षकका रुपमा भने ग्वार्डिओला पहिलो पटक रियल मड्रिड जाँदैछन् । उनको लक्ष्य पहिलो लेगमा अग्रता लिनु हो, जसले इतिहाद स्टेडियममा हुने दोस्रो लेगमा आफूलाई सहज हुनेछ ।

बार्सिलोनाका प्रशिक्षक हुँदा ग्वार्डिओलाले सात पटक रियल मड्रिडको मैदानमा गएर खेले । जसमा उनले पाँच खेल जिते भने एउटामात्र हारेका थिए ।

प्रशिक्षकका रुपमा जिनेदिन जिदान र पेप पहिलो पटक एक अर्काका विपक्षमा देखिँदैछन् । रियलका प्रशिक्षक जिदानेले म्यान्चेस्टर सिटी वा ग्वार्डिओला कोहीसँग पनि रियल मड्रिड डराउँदैन भनेका छन् ।

‘यो खेल मड्रिड भर्सेस म्यान्चेस्टर सिटी हो, जिदाने ग्वार्डिओलाको होइन,’ खेलअघिकाे सम्मेलनमा जिदानेले भने ।

उत्कृष्ट फर्ममा रहेको सिटीमा रहिम स्टर्लिङ इन्ज्युरी पछि फर्किएका छन् । घुँडाको इन्ज्युरीबाट इमेरिक लापोर्ते पनि अभ्यासमा फर्किएका छन् । लेरोई साने भने अझै पनि इन्ज्युरीबाट मुक्त हुन सकेका छैनन् ।

रियल मड्रिडमा भने इडिन हाजार्ड इन्ज्युरीका कारण मैदान बाहिरै रहनेछन् । ग्यारेथ बेल टिममा फर्किएका छन् ।

बुधबार नै हुने प्रिक्वार्टर फाइनलको पहिलो लेगमा इटालियन क्लब युभेन्टस र फ्रेन्च क्लब ओलम्पिक लियोन प्रतिस्पर्धा गर्दैछन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्