महिला राष्ट्रिय लिग फुटबल : एपीएफले काठमाडौंलाई हान्यो १० गोल, सावित्रा एक्लैको ५ गोल

साउन ९, २०७५ बुधबार १८:३५:३० | उज्यालो सहकर्मी

ललितपुर – उपराष्ट्रपति कप महिला राष्ट्रिय लिग फुटबलमा एपीएफले काठमाडौंलाई १०–० गोलको फराकिलो अन्तरले हराउँदा रौतहट जिल्ला फुटबल संघले नेपाल पुलिसलाई पराजित गरेको छ ।

ललितपुर सातदोबाटोस्थित एन्फा कम्प्लेक्सको मैदानमा एपीएफलाई फराकिलो जित दिलाउन सावित्रा भण्डारी एक्लैले ५ गोल गरिन् । यस्तै अनिता केसीले ह्याट्रिक पूरा गर्दा अनु लामा र अनिता बस्नेतले एक एक गोल गरे ।

सावित्राले खेलको ३२औं, ५१औं, ६१औं, ८४औं र ८५औं मिनेटमा गोल गर्दा अनिता केसीले खेलको दोस्रो, बीसौं र तीसौं मिनेटमा गोल गरेकी थिइन् ।

यो जितसँगै एपीएफले पहिलो खेलमा महत्वपूर्ण ३ अंक जोडेको छ । काठमाडौंको यो लगातार दोस्रो हार हो । पहिलो खेलमा काठमाडौं रौतहटसंग पराजित भएको थियो ।

त्यस्तै रौतहटले जारी प्रतियोगितामा लगातार दोस्रो जित निकाल्यो । रौतहटले विभागीय टोली नेपाल पुलिस क्लबलाई १ – ० ले हरायो । रौतहटलाई जित दिलाउन अस्मिता वैद्यले निर्णायक गोल गरिन् । रौतहटलाई जित दिलाउन अस्मिताले खेलको १२औं मिनेटमा निर्णायक गोल गरेकी थिइन् । योसँगै रौतहटले लिगमा लगातार दोस्रो जित निकाल्न सफल भएको छ ।

रौतहटले दुई खेलबाट ६ अंक जोडेको छ । रौतहटले पहिलो खेलमा काठमाडौंलाई पराजित गरेको थियो । पुलिसको भने यो लगातार दोस्रो हार हो । पहिलो खेलमा पुलिस त्रिभुवन आर्मी क्लबसँग पराजित भएको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्