अभिनेता जोन अब्राहम अभिनित फिल्म ‘सत्यमेव जयते’ प्रदर्शनको नजिक आएसँगै फिल्ममा जोनको एक्सन र लुक्सको जति चर्चा भइरहेको छ त्यतिकै चर्चा मनोज बाजपेयीको पनि भइरहेको छ । 

यसैबीच जोन र मनोज बाजपेयीको डायलग र जोनको धमाकेदार एक्सनले भरिएको अर्को गीत सार्वजनिक भएको छ । 

बलिउड फिल्मका अहिले सम्मका गीतहरु भन्दा फरक धारमा बनाइएको यो गीतमा जोन र मनोजको विभिन्न डायलगका साथै जोन खतरनाक एक्सनमा खलनायकलाई कुटिरहेका छन् ।  

‘ताजदार ए हरम’ बोलको यो गीतमा वाजिदको आवाज तथा साजिद वाजिदको संगीत र दानिश सब्रीको शब्द रहेको छ । 

फिल्म ‘सत्यमेव जयते’ २०१८ अगस्ट १५ मा प्रदर्शन हुनेछ  । फिल्मको निर्देशन मिलाप झावेरीले गरेका छन । लेखक झावेरी यही फिल्म मार्फत निर्देशनमा डेब्यू गरिरहेका छन । जोन अब्राहम र मनोज बाजपेयी अभिनित ‘सत्यमेव जयते’ प्रदर्शन भएकै दिन अक्षय कुमारको फिल्म ‘गोल्ड’ पनि प्रदर्शन हुदैछ । 

तसर्थ अब जोन अब्राहम र अक्षयमध्ये दर्शकको साथ कसेले पाउनेछन् भन्ने कुरा भने दर्शकले नै निर्धारण गर्नेछन ।