उमेर नपुगेकी बेहुली लिन तीन सय जन्ती लिएर गएका बेहुला रित्तै फर्काइए

फागुन २८, २०७६ बुधबार २०:४:१५ | सिताराम अधिकारी

धादिङ - उमेर नपुगेकी बालिकाको विवाह गर्न लागेको सूचनाका आधारमा प्रहरीले बुधबार एउटा विवाह रोकेको छ ।

गजुरी–६, मिलनटारका ध्रुव सुवेदीले उमेर नपुगेकी छाेरीकाे विवाह गर्न लागेपछि गाउँका महिलाअधिकारकर्मीहरुले विवाह रोक्न प्रहरीलाई खबर गरेका थिए । ध्रुवकी १८ वर्षीया छाेरीकाे गल्छी गाउँपालिका–६, बाहुन पलाङका कृष्ण अधिकारीका २९ वर्षीय छोरा कविराजसँग विवाह हुँदै थियाे ।

बेहुली लिन गजुरी जाँदै गरेकाे कविराजकाे जन्तीकाे टाेलीलाई प्रहरीले आदमघाटबाट फर्काएको थियो ।

बेहुलाका बावु कृष्ण अधिकारीले छाेराकाे बिहेका लागि २ ओटा बससहित अरु गाडीमा झण्डै तीन सय जना जन्ती लिएर आउँदै गरेको खबर पाएपछि बैरेनी प्रहरीचौकी र इलाका प्रहरी कार्यालयबाट गएको प्रहरीले विवाह रोकेको इलाका प्रहरी कार्यालय गजुरीका प्रहरी सहायक निरीक्षक जनक बस्नेतले जानकारी दिनुभयो ।

स्थानीय आमा समूहले उमेर नपुगेकोले विवाह नगरिदिन बारम्बार मौखिक अनुरोध गरे पनि नमाने पछि विवाह रोकिएको थियो । माइती पक्षलाई विवाह रोक्न आदेश दिएको प्रहरीले जन्तीलाई आदमघाटमा रहेकाे सशस्त्र प्रहरी बेसक्याम्पबाटै फर्काएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्