पाकिस्तान तहरिक–ए–इन्साफका नेता तथा पूर्व क्रिकेटर पाकिस्तानका नयाँ प्रधानमन्त्री बन्ने पक्का भएको छ । 

बुधबार १० करोडभन्दा बढी मतदाताले भाग लिएको संसदीय चुनावमा उनको पार्टी बहुमत नजिक रहेको छ । पाकिस्तानको संसदमा २७२ सिट रहेको छ । यदि सरकार बनाउन आवश्यक १३७ सिट हात नपरे पनि इमरान गठबन्धनको सहाराले पनि प्रधानमन्त्री बन्न सक्नेछन् । 

क्रिकेटमा सफल मानिएका इमरान खान सन् १९८० को दशकमा साबुन बेच्ने गर्थे । उनी आफैले साबुन बेच्ने त होइन,  तर चर्चित ‘सिन्थोल’ ब्राण्डको साबुनको विज्ञापनमा अभिनय गरेका थिए । भारत भ्रमणमा आएका बेला उनलाई यो विज्ञापन गर्ने अवसर प्राप्त भएको थियो । 

आफ्नो आकर्षक अनुहार र व्यक्तित्वका कारण उनी विशेषगरी महिलाहरुबीच निकै नै चर्चित थिए । त्यसैका कारण पनि उनलाई ‘सिन्थोल’ को विज्ञापनका लागि चुनिएको थियो । 

यो विज्ञापनमा उनी बल लिएर भाग्दै गरेका हुन्छन् । अनिसाबुनको विशेषता दर्शकलाई बताउँछन् । इमरानले भारत र पाकिस्तान दुवै देशका विज्ञापनमा काम गरेका छन् । 

पूर्व भारतीय कप्तान सुनिल गावस्करसँगै इमरानले सफ्ट ड्रिंकको विज्ञापनमा अभिनय गरेका थिए । साथै पाकिस्तानमा पेप्सी तथा चिया कम्पनीका लागि पनि विज्ञापनमा पनि अभिनय गरेका थिए । 

हेर्नुहाेस् विज्ञापन