नक्कली नोटको कारोबार गरेकाे आराेपमा दुई जना पक्राउ

चैत ६, २०७६ बिहीबार १५:३८:४३ | दीपक भट्ट

रामेछाप - रामेछापमा नक्कली नोटको कारोबार गरेकाे आराेपमा दुई जना पक्राउ परेका छन् ।

नक्कली नोटको कारोबारमा संलग्न भएकाे अभियोगमा सार्की तामाङ र ढाकल तामाङ पक्राउ परेका हुन् । उनीहरुको साथबाट १ लाख १२ हजार रुपैयाँ जाली नोट फेला परेको प्रहरीले जनाएको छ ।

खाँडादेवी गाउँपालिका ३ भिरपानीका कटकबहादुर कार्कीले गाेरु बेच्दा नक्कली नाेट दिएकाे भन्दै प्रहरीमा दिएको निवेदनको आधारमा उनीहरुलाई पक्राउ गरिएको हो । जाली नोट कारोबारमा संलग्न मुख्य अभियुक्तको खोजी भइरहेको प्रहरीले जनाएको छ ।

नियन्त्रणमा लिइएका दुई जना विरुद्ध प्रहरीले खोटा मुद्रा अपचलनकाे मुद्दा दर्ता गरेकाे छ । उनीहरुलाई जिल्ला अदालत रामेछापबाट म्याद थप गरी आवश्यक अनुसन्धानको लागि हिरासतमा राखिएको जिल्ला प्रहरी कार्यालय रामेछापका प्रहरी नायब उपरीक्षक वसन्त पाठकले जानकारी दिनुभयाे ।

अन्य स्थानीयले पनि नक्कली नोटको बिगबिगी बढेको भन्दै प्रहरीमा उजुरी दिन थालेकाे उपरीक्षक पाठकले बताउनु भयाे । रामेछापको खाँडादेवी, सुनापति र दोरम्बा गाउँपालिकामा नक्कली नोट दिएर स्थानीयलाई ठगी गर्ने क्रम बढेकाे प्रहरीले जनाएकाे छ ।

गाई, गोरु, भैँसी किन्दा नक्कली नोट दिएकाे भन्दै स्थानीयले जाली नोटको व्यापार गर्नेलाई कारबाही गर्न आग्रह गरेका छन् ।

भिरपानीमा मात्रै तीन लाखभन्दा बढी नक्कली नोट भित्रिएको आशङ्का गरिएकाे छ । जाली नोटकाे काराेबार गर्ने, चोरी, निकासी र पैठारी गर्नेलाई मुलुकी अपराध संहितामा व्यवस्था भएअनुसार ७ वर्षसम्म कैद वा ७० हजारसम्म जरिबाना गर्ने कानुनी व्यवस्था रहेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्