आजदेखि भारत र चीनसहित निश्चित देशका यात्रुमात्र नेपाल आउन पाउने

आइतबार रातिदेखि सबै अन्तर्राष्ट्रिय उडान तथा अवतरण बन्द हुने

 चैत ८, २०७६ शनिबार ९:२८:२० | उज्यालो सहकर्मी
unn.prixa.net

काठमाण्डाै - सरकारले आजदेखि चीन, भारत, सिंगापुर, थाइल्याण्ड र भुटानबाहेकका देशबाट आउने यात्रुलाई प्रवेशमा रोक लगाएको छ ।

शुक्रबार राति १२ बजेदेखि युरोपका सबै देश, पश्चिम एसिया र खाडीका देशका साथै इरान, टर्की, मलेसिया, दक्षिण कोरिया र जापानका नागरिक तथा ती देशमा ट्रान्जिट बनाएर आउने अरु देशका यात्रुलाई पनि नेपाल प्रवेशमा प्रतिबन्ध लगाइएको विमानस्थल कार्यालयका प्रवक्ता देवचन्द्रलाल कर्णले जानकारी दिनुभयो ।

चीन, भारत, सिंगापुर, थाइल्याण्ड र भुटानबाट आउने यात्रुले कोरोना नभएको स्वास्थ्य परीक्षणको प्रमाणपत्र लिएर आउनुपर्ने र नेपाल आइसकेपछि १४ दिने क्वारेन्टाइनमा बस्नुपर्ने उहाँले बताउनुभयो ।

आइतबार रातिदेखि भने नेपालमा सबै अन्तर्राष्ट्रिय उडान तथा अवतरण बन्द हुने भएको छ । आन्तरिक उडान भने नियमित रहने विमानस्थल कार्यालयले जनाएको छ ।

अन्तिम अपडेट: चैत ८, २०८०

तपाईको प्रतिक्रिया