जापानका १७ प्रतिशत नागरिकसँग मात्रै राहदानी रहेको तथ्याङ्क

फागुन १०, २०८१ शनिबार ११:४३:१ | एजेन्सी

जापानका हरेक ६ जना नागरिकमध्ये एक जनासँग मात्रै वैध राहदानी रहेको सरकारको पछिल्लो तथ्याङ्कले देखाएको छ ।

यो सङ्ख्या राहदानी भएका अमेरिकीको आधाभन्दा निकै कम हो तर सन् १९९० को झन्डै ५ प्रतिशतबाट भने बढेको अन्तर्राष्ट्रिय समाचार संस्था एएफपीले जनाएको छ । छिमेकी देश दक्षिण कोरियामा यो सङ्ख्या ६० प्रतिशतको हाराहारीमा रहेको छ ।

सन् २०२४ को डिसेम्बरसम्ममा २ करोड १६ लाख वैध जापानी राहदानी प्रचलनमा रहेको र यो कुल जनसङ्ख्याको झन्डै १७ दशमलव ५ प्रतिशत रहेको जापानको परराष्ट्र मन्त्रालयले जनाएको छ ।

कोभिड–१९ महामारीअघि झन्डै एक चौथाइ जापानीसँग वैध राहदानी रहेको खबरमा उल्लेख छ । यसवर्षको हेन्ले पासपोर्ट इन्डेक्सका अनुसार सिङ्गापुरपछि दक्षिण कोरिया र जापानको राहदानी विश्वकै दोस्रो बलियो राहदानी हो ।

कोभिड–१९ महामारीकालको क्वरेण्टीन र सीमा नाका बन्द भएपछि जापानबाट बाहिरिने यात्रा क्रमशः पुनः शुरू भएको मन्त्रालयले जनाएको छ । तर विगत ५ वर्षमा आफ्नो मूल्यको एक तिहाइ हिस्सा गुमाइसकेको येनको कमजोरीले जापानी यात्रुलाई मुद्रास्फीति र आन्तरिक यात्रामा नयाँ चासोका कारण रोकेको विश्लेषकहरू बताउँछन् ।

सन् १९९० मा जापानबाट १ करोड जनाभन्दा धेरै मानिस विदेश गएका थिए भने महामारीअघि यो सङ्ख्या बढेर २ करोड पुगेको थियो । जापानको शीर्ष ट्राभल एजेन्सी जेटीबीका अनुसार यो वर्ष झन्डै एक करोड ४१ लाख जापानीले विदेश भ्रमण गर्ने अनुमान छ ।

अन्तिम अपडेट: फागुन १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जापानका १७ प्रतिशत नागरिकसँग मात्रै राहदानी रहेको तथ्याङ्क

तस्बिर : एजेन्सी

तपाईको प्रतिक्रिया