घरभित्रै बस्न प्रहरीको अनुरोध, अटेर गरे कारबाही गरिने

चैत ११, २०७६ मंगलबार ११:२३:३६ | उज्यालो सहकर्मी

काठमाण्डौ - नेपाल प्रहरीले नागरिकलाई घरभित्रै बस्न अनुरोध गरेको छ । कोरोना भाइरस (कोभिड १९) को सङ्क्रमण फैलिन नदिन सरकारले देशभरि ‘लकडाउन’ गरेकाले बाहिर नजान र गाडी नचलाउन अनुरोध गरेको हो ।

घरबाहिर निस्किएका कतिपय नागरिकलाई सम्झाइ/बुझाइ घर पठाइएको तर अब पनि अटेर गरे कानुनी कारबाही गरिने प्रहरीले जनाएको छ । तर धेरैजसो ठाउँमा नागरिकले लकडाउनलाई पूर्णरुपमा पालना गरेको प्रहरीको भनाइ छ ।

सरकारको निर्देशन अनुसार नागरिक घरभित्रै बसेको र गाडी पनि नचलाएको नेपाल प्रहरीका प्रवक्ता, डीआईजी शैलेश थापाले उज्यालोलाई जानकारी दिनुभयो ।भारतमा लकडाउन गर्दा नागरिकले भिडभाड गरेका समाचार आएको तर नेपालमा भने नागरिकले पूर्णरुपमा यसको पालना गरेको उहाँले बताउनुभयो ।

सीमा नाकामा अड्किएका नागरिकलाई नेपाल छिर्न दिने निर्णय अनुसार सीमामा दुःख पाएका नागरिक नेपाल आउँदा केही भिड जस्तो देखिएको तर उनीहरुलाई नजिकै रहेका क्वारेन्टाइनमा राखिएको उहाँले जानकारी दिनुभयो ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

घरभित्रै बस्न प्रहरीको अनुरोध, अटेर गरे कारबाही गरिने

फाइल फोटो

तपाईको प्रतिक्रिया