घरघरमा गएर फोहर उठाउन सरकारको निर्देशन, फोहर बाहिर फाल्नेलाई कारबाही

चैत १५, २०७६ शनिबार १७:४:४६ | उज्यालो सहकर्मी

सरकारले तत्काल नागरिकको घरघरमा गएर फोहर सङ्कलनको व्यवस्था मिलाउन पालिकाहरुलाई निर्देशन दिएको छ ।

शनिबार शहरी विकास राज्यमन्त्री रामवीर मानन्धरले विज्ञप्ति निकालेर आजैदेखि घरघरमा गएर फोहर सङ्कलनको व्यवस्था मिलाउन निर्देशन दिनुभएको हो । आजैदेखि काठमाण्डौ उपत्यकाको फोहर सङ्कलन र सिसडोलमा विसर्जन गर्न सुरु भएको मन्त्री मानन्धरले जानकारी दिनुभयो ।

कोरोना भाइरस (कोभिड १९) का कारण उत्पन्न परिस्थितिको सामना गर्नका लागि ‘लकडाउन’ मा बस्नुपरेको यो अवस्थामा घरबाट निस्कने फोहर व्यवस्थापनलाई चुस्त बनाउन मन्त्रालयका तर्फबाट पहल सुरु गरिसकिएको विज्ञप्तिमा उल्लेख गरिएको छ ।

मन्त्रालयले आजैदेखि घरघरमा फोहर सङ्कलक पठाइ त्यसको समुचित व्यवस्थापनमा लाग्न देशभरका सम्पूर्ण महानगरपालिका, उपमहानगरपालिका, नरपालिकाहरुलाई निर्देशनात्मक अनुरोध गरेको हो ।

सङ्घीय राजधानी काठमाण्डौको फोहर व्यवस्थापनका सवालमा देखिएको समस्या समाधानका लागि काठमाण्डौ र ललितपुर महानगरपालिका तथा भक्तपुर नगरपालिका सहित सबै नगरपालिकाहरुलाई तत्काल समाधान हुने गरी काम थाल्न समेत अनुरोध गरिएको छ ।

उपत्यकाको फोहर उत्सर्जन हुने स्थान सिसिडोलमा पनि गर्मीसँगै फैलने दुर्गन्ध रोकथाम र कीटाणु नासका लागि आवश्यक औषधिको व्यावस्थापन गराउने काम तत्काल थाल्न उपत्यकाका नगरपालिकालाई निर्देशन दिइ सकिएको विज्ञप्तिमा उल्लेख छ । साथै सङ्क्रमणको जोखिम न्यूनीकरणका लागि बिहान ८ बजेभित्र फोहर विसर्जनको व्यवस्था मिलाउन उपत्यकाका नगरपालिकाहरुसँग मन्त्रालयले आवश्यक पहल गरिसकेको उल्लेख गरिएको छ ।

फोहोर सङ्कलनमा खटिने सङ्कलक र सवारी चालक तथा अन्य कर्मचारीलाई आवश्यक स्वास्थ्य सुरक्षा सामग्रीको व्यवस्थापन मिलाउने कामको सुरु समेत भइसकेको मन्त्री मानन्धरले दाबी गर्नुभएको छ ।

अन्तिम अपडेट: फागुन १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्