अन्तर्राष्ट्रिय एथ्लेटिक्स महासंघ (आईएएफ)ले रुसमाथिको प्रतिबन्धलाई अझै फुकुवा नगर्ने भएको छ । प्रतिबिन्धत औषधीलाई राज्यले नै प्रयोग गर्न दिएको भनेर आईएएफले रुसलाई लगाएको प्रतिबन्ध फुकुवाका लागि सकारात्मक काम भएपछि महासंघले भने फुकुवाका लागि लचिलो देखिएको छैन ।

सन् २०१५ को नाभेम्बरमा राज्य प्रायोजित प्रतिबन्धित औषधी प्रयोग गरेको भन्दा आईएएफले रुसलाई पहिलो पटक प्रतिबन्ध लगाएको थियो । तर त्यो प्रतिबन्ध फुकुवाका लागि रुसले धेरै लचकता अपनाएको थियो । यसैमा पनि अबको १० दिनपछि बर्लिनमा युरोपियन च्याम्पियनसिपन हुँदैछ । 

तर रुसमाथिको प्रतिबन्ध फुकुवा हुने सम्भावना निकै कम छ । फुकुवाका लागि रुसले सकारात्मक काम गरेको बताए पनि आईएएफका अध्यक्ष लर्ड कोयले अझै केही समस्या बाँकी रहेको बताएका छन । केही ठाउँमा सकारात्मक काम भएका भए पनि अझै पूर्ण रुपमा प्रतिबन्ध फुकुवा नै गर्ने किसिमले काम नभएको उनले बताए ।